ހޮނިހިރު 14 ޑިސެންބަރު 2019
05 މުލަ
1441 ރަބީޢުލްއާޚިރު 17
ފަތިސް 04:45
އިރުއަރާ 06:02
މެންދުރު 12:05
އަސްރު 15:25
މަޣްރިބް 17:59
އިޝާ 19:16
ލުއި ޚަބަރު - ހޮލީވުޑް

ސޯފީ އާއި ޖޯ ރާއްޖޭގައި ހަނީމޫން ހޭދަކޮށްފި

  • މި ދެމަފިރިން ހަނީމޫން ހޭދަކޮށްފައިވަނީ ސޮނެވާފުށީގައި
  • ސޯފީ ދިވެހިރާއްޖެ ސިފަކޮށްދީފައިވަނީ "ޕެރަޑައިސް" ގެ ގޮތުގައި
  • .މި ދެމީހުން ވަނީ 2018 ވަނަ އަހަރުގެ ފެބްރުއަރީ މަހުވެސް ރާއްޖެ އައިސްފައި

އަޒްލިފާ އަބްދުﷲ
AzuAzlifa

ކ. މާލެ 15 ޖުލައި 2019 | ހޯމަ 17:02 6,375

ސޯފީ ޓާރނާ އާއި ޖޯ ޖޯނަސް - އިންޑިއަން އެކްސްޕްރެސް

ގޭމް އޮފް ތްރޯންސްގެ ތަރި ސޯފީ ޓާރނަރ އާއި އެމެރިކާގެ ލަވަ ކިޔުންތެރިޔާ ޖޯ ޖޯނަސް ރާއްޖޭގައި ހަނީމޫން ހޭދަކޮށްފިއެވެ.

މި ދެމަފިރިން ހަނީމޫން ހޭދަކޮށްފައިވަނީ ސޮނެވާފުށީގައެވެ. ސޯފީ އާއި ޖޯ ވަނީ ރިސޯޓްގައި ނަގާފައިވާ އެކަކު އަނެކަކުގެ ފޮޓޯތައް އިންސްޓަގްރާމްގައި ހިއްސާކޮށްފައެވެ.

ޖޯ ފުރަތަމަ ހިއްސާކޮށްފައިވާ ވީޑިއޯގައި ފެނިގެންދަނީ ވޯޓާވިލާއިން މޫދަށް ފައިބާ މަންޒަރެވެ. އެ ވީޑިއޯގެ ކެޕްޝަންގައި "އައި ފައުންޑް ހެޕިނަސް" ލިޔެފައި ވެއެވެ.

ސޯފީ ހިއްސާކޮށްފައިވާ ފޮޓޯތަކުގެ ތެރެއިން އެއް ފޮޓޯގައި ޖޯ ފެނިގެންދަނީ ވޯޓާ ވިލާގެ ބޭރުގައި އޮއްވައެވެ. މީގެ އިތުރުން ރަށުތެރޭގައި ބައިސްކަލް ދުއްވާ ފޮޓޯއަކާއި ސޫޝީ ކާން އިން ފޮޓޯއެއް ވަނީ ހިއްސާކޮށްފައެވެ.

ޖޯ ހިއްސާކޮށްފައިވާ ފޮޓޯގައި ސޯފީ ފެނިގެންދަނީ ވޯޓާ ވިލާގެ ބޭރުގައި އޮށޯވެގެން އޮއްވައެވެ. އެ ފޮޓޯއިން ސޯފީގެ އެންގޭޖްމަންޓް ރިންގް ވަރަށް ސާފުކޮށް ފެނިގެން ދެއެވެ.

ސޯފީ ދިވެހިރާއްޖެ ސިފަކޮށްދީފައިވަނީ "ޕެރަޑައިސް" ގެ ގޮތުގައެވެ. ސޯފީ ހިއްސާކޮށްފައިވާ ޖޯގެ ފޮޓޯތަކުގެ ކެޕްޝަންގައި ވެސް ލިޔެފައިވަނީ "ޕެރަޑައިސް، ސަޗް އަ މެޖިކަލް ޕްލޭސް" އެވެ.

ސޯފީ 23، އާއި ޖޯ 29، ފުރަތަމަ ފަހަރަށް ކައިވެނި ކޮށްފައިވަނީ މިދިޔަ މެއި މަހުގެ އެއްވަނަ ދުވަހު ލަސް ވޭގަސް ގައި ހުންނަ މަޝްހޫރު ލިޓްލް ވައިޓް ޗަޕެލްގައެވެ. މި ދެމީހުން ދެވަނަ ފަހަރަށް ކައިވެނި ކޮށްފައިވަނީ މިދިޔަ ޖޫން މަހުގެ 30 ގައި ޕެރިސްގައެވެ.

ދިވެހިރާއްޖެ ވެގެން ގޮސްފައިވަނީ މި ދެމަފިރިންގެ ހިތުގައި ޚާއްސަ ކަމެއް ދެވިފައިވާ ގައުމަކަށެވެ.މި ދެމީހުން ވަނީ 2018 ވަނަ އަހަރުގެ ފެބްރުއަރީ މަހުވެސް ރާއްޖޭ އައިސް ކޮކޯ ޕްރއިވެޓް އައިލެންޑްގައި ޗުއްޓީ ހޭދަކޮށްފައެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް