އާދީއްތަ 08 ޑިސެންބަރު 2019
12 ދޮށަ
1441 ރަބީޢުލްއާޚިރު 11
ފަތިސް 04:42
އިރުއަރާ 05:59
މެންދުރު 12:02
އަސްރު 15:22
މަޣްރިބް 17:56
އިޝާ 19:13
ވިޔަފާރި - ވެކޭޝަން އެކްސްޕޯ

ހަތަރުވަނަ ވެކޭޝަން އެކްސްޕޯ ފަށައިފި

  • މިއެކްސްޕޯ ބާއްވަން ފަށާފައިވަނީ 2016 އިން ފެށިގެން
  • މިއީ ރާއްޖޭގައި ބޭއްވި ފުރަތަމަ ޓްރެވެލް ފެއަރ ބްރޭންޑް
  • ހާއްސަ އިނާމްގެ ގޮތުގައި 3 އުމުރާ ދަތުރު ހިމެނޭ

ރިޒުނާ ޒަރީރު
RiznaZareer

ކ. މާލެ 2 ޖުލައި 2019 | އަންގާރަ 15:57 1,660

ވެކޭޝަން އެކްސްޕޯގެ މެއިން ސްޕޮންސަރުން ހަމަޖައްސުން - ގޫގުލް

ހަތަރުވަނަ ވެކޭޝަން އެކްސްޕޯ ދަރުބާރުގޭގައި ފަށައިފި އެވެ.

މި އެކްސްޕޯގެ މެއިން ސްޕޮންސަރުންނަކީ "އޭސްއޭވިއޭޝަން، އޭސް ޓްރެވެލެސް އަދި އިނަރ މޯލްޑިވްސް" އެވެ.

މިއީ ރާއްޖޭގައި ބޭއްވި ފުރަތަމަ ޓްރެވެލް ފެއަރ ބްރޭންޑެވެ. ހާއްސަކޮށް ރާއްޖެއިން ބޭރާއި ރާއްޖޭގެ އެކި ސަރަހައްދުތަކަށް ޗުއްޓީއަށްދާ ދިވެހިންނާއި ބޭރު މީހުންނަށް ވަރަށް ފުރިހަމަ ފުރުޞަތުތަކެއް ފަހިކޮށްދޭ ފެއަރ އެކެވެ.

2016 ވަނަ އަހަރުން ފެށިގެން ކުރިއަށްގެންދާ މިފެއަރ ވެގެންގޮސްފައިވަނީ އެއަރލައިންތަކާއި ބޮޑެތި ޓުއަރިޒަމް ޑެސްޓިނޭޝަންތަކަށް ވަރަށް ކަމުދާ ފެއަރއަކަށް ކަމަށް މިފެއަރ އިންތިޒާމްކުރާ ހައިރައިޒުން ބުންޏެވެ.

ކުރީ އަހަރުތަކުގެ ފެއަރތަކުގައި ސިންގަޕޯރ، ތައިލެންޑް އަދި ބޫޓާންގެ ފަތުރުވެރިކަން އިޝްތިހާރު ކުރުމަށް އެގައުމުތަކުންވެސް ވަނީ މިފެއަރގައި ބައިވެރިވެފައެވެ.

ހައިރައިޒް އިން ބުނީ އަހަރަކު އެއްފަހަރު ބާއްވާ މި އެކްސްޕޯގެ މި އަހަރުގެ އެޑިޝަން ބޭއްވުމަށް ވާން ޖެހޭ އެންމެ ފަހުގެ ތައްޔާރީތައް ވަމުން އަންނައިރު، އެކްސްޕޯ ކުރިއަށް ދާނީ ޖުލައި 2 އިން 4 އަށް ދަރުބާރުގޭގައި ކަމަށެވެ.

އެ ތިން ދުވަހު ވެސް އެކްސްޕޯ ކުރިއަށް ގެންދިއުމަށް ހަމަޖެހިފައިވަނީ މެންދުރުފަހު 2 އިން ހަވީރު 4 އަކަށް އަދި ރޭގަނޑު 8 އިން 11 އަށް ކަމަށް ވެސް އެ ކުންފުނިން ބުންޏެވެ.

މި އެކްސްޕޯގެ މައިގަނޑު މަގުސަދަކީ ފަތުރުވެރިކަމުގެ ދާއިރާ ކުރިއަރުވާ އިތުރަށް ޕްރޮމޯޓް ކުރުމެވެ. އެގޮތުން، މި އެކްސްޕޯގައި ބައިވެރިވާނީ ފަތުރުވެރިކަމުގެ އެކި ދާއިރާތަކުގައި ހަރަކާތްތެރިވާ ފަރާތްތަކުންނެވެ. މި މަހާސިންތާގެ މަގްސަދަކީ ދަތުރުފަތުރުކުރުމާ ބެހޭ މައުލޫމާތު ދިވެހިންނާއި ރާއްޖޭގައި ވަޒީފާ އަދާކުރާ ބޭރު މީހުންނާ ހިއްސާކުރުން ކަމަށް ހައިރައިޒުން ބުންޏެވެ.

އެކްސްޕޯ އަށް ޒިޔާރަތް ކުރާ މީހުންނަށް އަމާޒުކޮށް ތަފާތު ގިނަ އިނާމްތަކެއް ހުށަހަޅާފައިވާއިރު، މި އެކްސްޕޯގެ ތެރެއިން ހާއްސަ މަހާސިންތާއެއް ވެސް ކުރިއަށް ގެންދިއުމަށް ވަނީ ހަމަޖެހިފަ އެވެ. މިއަހަރުވެސް ހާއްސަ އިނާމްގެ ގޮތުގައި 3 އުމުރާ ދަތުރުވެސް ހިމެނެއެވެ.

މިދިޔަ އަހަރުގެ ޖުލައި މަހުގެ 5 އިން 7 އަށް ނެޝެނަލް އާރޓް ގެލަރީގައި ބޭއްވި ވެކޭޝަން އެކްސްޕޯ ވަރަށް ކާމިޔާބު ކަމަށާއި އެ އެކްސްޕޯ އަށް 4،000 އަށް ވުރެ ގިނަ މީހުން ޒިޔާރަތްކޮށްފައިވާ ކަމަށްވެސް ހައިރައިޒުން ވަނީ ބުނެފައެވެ.

އެންމެ ފަހުން އަޕްޑޭޓް ކުރީ: 5 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

އެންމެ ފަހުގެ
ކޮމެންޓް