"ކިގާލި ގްލޯބަލް ޑައިލޮގް" ގައި ރައީސް ނަޝީދު ތަގުރީރުކުރައްވަނީ
"ކިގާލީ ގްލޯބަލް ޑައިލޮގް" ކުރިއަށްދާނީ 3 ޖުލައި އިން 5 ޖުލައި އަށް
ރައީސް މުހައްމަދު ނަޝީދު ޕްރެސް ކޮންފަރެންސް ގައި ވާހަކަފުޅު ދައްކަވަނީ
މަޖިލީގެ ރައީސް، ރައީސް މުހައްމަދު ނަޝީދު "ކިގާލި ގްލޯބަލް ޑައިލޮގް" ގައި ތަޤުރީރުކުރައްވާގޮތަށް ހަމަޖެހިއްޖެ އެވެ.
ރަައްޔިތުންގެ މަޖިލީހުގެ އިދާރާގައި ބޭއްވި ނޫސްވެރިންގެ ބައްދަލުވުމުގައި އަމިންއާންމު ފާތިމަތު ނިއުޝާ ވިދާޅުވީ ރައީސް ނަޝީދު "ކިގާލި ގްލޯބަލް ޑައިލޮގް"ގައި ދެ ފަހަރެއްގެ މަތިން ކީ ނޯޓް އެޑްރެސް އެއް ދެއްވުމަށްވަށް ހަމަޖެހިފައިވާކަމަށެވެ. އަދި މި ބައްދަލުވުމުގެ މަގްސަދަކީ ބައިނަލްއަގްވާމީ ފެންވަރެއްގައި ތަރައްގީއަށް ކުރިމަތިވެފައިވާ ހުރަސްތަކާ މެދު މަޝްވަރާކުރުންކަމަށް ނިއުޝާ ވިދާޅުވި އެވެ.
ކްލައިމެޓް ޗޭންޖް، ދެމެހެއްޓެނިވި ތަރައްގީ، ޓެކްނޮލޮޖިކަލް ޓްރާންސްފޮމޭޝަންސް އަދި އާއްމު ސިއްހަތާއި ބެހޭގޮތުން މި ބައްދަލުވުމުގައި ވާހަކަ ދެކެވޭނެކަމަށްވެސް އަމީން އާންމު ވިދާޅުވިއެވެ.
"ކިގާލީ ގްލޯބަލް ޑައިލޮގް" ކުރިއަށްދާނީ 3 ޖުލައި އިން 5 ޖުލައި އަށެވެ.
