އޭޑީކޭ ހޮސްޕިޓަލުން ބްރެއިން އެންޑް ސްޕައިން ކޮންފަރެންސްއެއް ބާއްވަން ނިންމައިފިއެވެ.
މި ކޮންފަރެންސް ބާއްވަން ހަމަޖައްސާފައި ވަނީ މި އަހަރުގެ ސެޕްޓެމްބަރު މަހގެ 17-19 އަށެވެ.
"ބްރެއިން އެންޑް ސްޕައިން ކޮންފަރެންސް 19" ގެ ނަމުގައި ބާއްވާ މި ކޮންފަރެންސްގެ ބޭނުމަކީ ސިކުނޑިއާއި މައިބަދަގެ ބަލިތަކާ ބެހޭ ގޮތުން ޑޮކްޓަރުންނާއި މެޑިސިން ކިޔަވާ ދަރިވަރުން ބޮޑަށް އަހުލުވެރިކުރުމަށް ކަމަށް އޭޑީކޭ ހޮސްޕިޓަލުން ބުނެއެވެ.
އެ ހޮސްޕިޓަލުން ބުނީ ޑޮކްޓަރުންނާއި ކިޔަވާ ދަރިވަރުން ރީސާރޗާއި އެޑްވާންސްޑް ޓްރީޓްމަންޓާއި އަދި ތަޖުރިބާ ހިއްސާކުރުމުގެ ފުރުސަތު މި ކޮސްފަރެންސްގައި ބާއްވާ ސެޝަންތަކުގެ ޒަރިއްޔާއިން ލިބިގެންދާނެ ކަމަށެވެ.
ކޮސްފަރެންސްގައި ބައިވެރިވުމަށް ރެޖިސްޓްރޭޝަން ހުޅުވާލާފައި ވަނީ 20 ޖޫން އިން 20 އޮގަސްޓްގެ ނިޔަލަށެވެ.
ޑޮކްޓަރުންގެ ރެޖިސްޓްރޭޝަން ފީއަކީ 100 ޑޮލަރެވެ. މެޑިސިން ކިޔަވާ ދަރިވަރުންނަށް މި ކޮންފަރެންސްގައި ހިލޭ ބައިވެރިވެވޭނެ ކަމަށް އެ ކުންފުނިން ބުންޏެވެ.
