ހަ އަހަރު ފަހުން އާމިރު، ކަރީނާ އެކު ފިލްމެއް ކުޅެނީ
24 ޖޫން 2019 | ހޯމަ 05:04ފިލްމުގެ ޝޫޓިން ފަށަނީ އޮގަސްޓް މަހު
އާމިރް ވަނީ ކަރީނާއާ އެއްކޮށް މަސައްކަތް ކުރުމަށް ޝައުގުވެރިކަން ފާލުކޮށްފައި
ހަ އަހަރު ފަހުން އަމީރުޚާން އާއި ކަރިނާ ކަޕޫރާ ދެ މީހުން އެކުގައި ވަރަށް އަވަހަށް ފިލްމަކުން ފެނިގެން ދާނެ ކަމަށް ރިޕޯޓްތައް ބުނެފިއެވެ.
ނަވާރަ ސަތޭކަ ނުވަ ދިހަ ހަތަރު ވަނަ އަހަރު ނެރުނު ހޮލީވުޑްގެ ކާމިޔާބު ކޮމިޑީ ފިލްމު ''ފޮރެސްޓް ގަމްޕް'' ގެ އަސްލަކަށް ބަލައިގެން ''ލާލް ސިންހް ޗައްޑާ'' ކިޔާ ހިންދީ ފިލްމެއް ހެދުމުގެ މަސައްކަތް ކުރަމުން އަންނަ ކަމަށް އާމިރް ހާން ވަނީ ބުނެފައެވެ.
އަދަވައިތް ޗަންދަން ޑައިރެކްޓުކުރާ އެ ފިލްމު ޝޫޓިން އޮގަސްޓު މަހު ފެށާނެ ކަމަށް ރިޕޯޓްތައް ބުނެއެވެ. ފިލްމުގެ ކާސްޓުން ހޯދުމުގެ މަސައްކަތް ކުރަމުންދާއިރު ފިލްމާއި ބެހޭ އިތުރު މައުލޫމާތެއް އަދި މިހާތަނަށް ހާމަކޮށްފައެއް ނުވެއެވެ.
އާމިރު ބޭނުންވި ގޮތަށް ފިލްމުގެ ލީޑް އެކްޓްރެސް އަކަށް ކަރީނާ ވަނީ ހަމަޖައްސާފަ ކަމަށް ރިޕޯޓްތައް ބުނެއެވެ. އަންގްރޭޒީ މީޑިއަމްގެ ޝޫޓިން ގައި މިހާރު ލަންޑަނުގައި ހުރި ކަރީނާ ފިލްމު ކުޅެން އެއްބަސްވެފައިވާ ކަމަށް އޭނާގެ ރައްޓެއްސަކާއި ހަވާލާދީ ރިޕޯޓްތައް ބުނެއެވެ.
