ގައުމީ ޓީމަށް ކޯޗުކަން ކޮއްދޭން ޝައުގުވެރިކަން މޮރީނިއޯ ފާޅުކޮއްފި

ޔޫރަޕުގެ ހަތަރު ގައުމެއްގެ ކޯޗެއްގެ ގޮތުގައި ކާމިޔާބު ހޯދައިފައިވާ ޕޯޗުގަލް އައް އުފަން މޮރީނިއޯ ގައުމީޓިމަކަށް ކޯޗުކަން ކޮއްދޭން ޝައުގުވެރިވާކަން ހާމަކޮއްފި އެވެ.

މޮރީނިއޯ އަކީ މީގެކުރިން ޔޫރަޕްގެ ތަފާތު ހަތަރު ގައުމެއްގައި ކޯޗުކަންކޮށް އެތަކެއް ކާމިޔާބުތަކެއް ހޯދާފައިވާ ކޯޗެކެވެ. އެގޮތުން 25 އަށްވުރެން ގިނަ ތަށި ކާމިޔާބުކޮށްފައިވާ ކޯޗު އެންމެ ފަހުން ކޯޗުކަންކޮށްދިނީ އިނގެރޭސިވިލާތުގެ ގަދަ ބާރެއް ކަމުގައިވާ މެންޗިސްޓާރ ޔުނައިޓެޑަށެވެ.

މޮރީނިއޯގެ ކުރިމަގާއި ބެހޭގޮތުން އޭނާ ދިން ބަޔާނެއްގައި އޭނާ ބުނީ ތަފާތު ޗެލެންޖަކާއި ކުރިމަތިލާން އޭނާ ހުރީ ތައްޔާރަށް ކަމަށާއި ވޯލްޑްކަޕާއި ޔޫރޯ ފަދަ މުބާރާތެއްގައި ކޯޗުކަން ކޮއްދޭން އޭނާ ބޭނުން ކަމަށެވެ.

މީގެ އިތުރުން 56 އަހަރުގެ ކޯޗު ބުނީ ތަފާތު ގައުމުތަކުގެ ކްލަބުތަކުން މިހާރުވެސް އޭނާއައް ހުށަހެޅޮންތައް ހުށަހަޅާފައިވާ ކަމާށާއި ނަމަވެސް އޭނާ އެހުށަހެޅުންތަށް ގަބޫލު ކުރުމާއިމެދު އަދި ގޮތެއް ނުނިންމާ ކަމަށެވެ.

2004 ވަނަ އަހަރު ޕޯޗުގަލްގެ ޕޯޓޯ އާއިއެކު ޗެމްޕިއަންސް ލީގު ކާމިޔާބު ކޮއްފައިވާއިރު، 2010 ވަނަ އަހަރު މޮރީނިއޯވަނީ އިންޓަރ މިލާނާއި އެކު ޗެމްޕިއަންސް ލީގު ކާމިޔާބު ކޮއްފައެވެ.