އެންމެ ފުރަތަމަ ރާއްޖެ ވަޑައިގަންނަވަނީ އެންމެ އަވަށްޓެރި ގައުމަށް ވާތީ: މޯދީ
ރާއްޖެއަށް ދަތުރުކުރައްވަން ދައުވަތުދެއްވިކަމަށްޓަކައި ރައީސަށް ޝުކުރ އަދާކުރެއްވި
ރައީސް އިބްރާހިމް މުހައްމަދު ސޯލިހް، އަދި އިންޑިއާގެ ބޮޑު ވަޒީރު ނަރެންދުރަ މޯދީ
ބޮޑު ވަޒީރުކަމަށް ދެވަނަ ފަހަރަށް ހޮވިވަޑައިގަތުމަށް ފަހު ބޭރުގެ ފުރަތަމަ ގައުމަކަށް ރާއްޖެ ހިޔާރުކުރެއްވީ ރާއްޖެއަކީ އެންމެ ގާތް އަވަށްޓެރި ގައުމަށް ވާތީ ކަމަށް އިންޑިއާގެ ބޮޑު ވަޒީރު ނަރެންދުރަ މޯދީ ވިދާޅުވެއްޖެއެވެ.
މޯދީ ރާއްޖެ ވަޑައިގަތުމަށް ހަމަޖެހިފައިވަނީ ހޮނިހިރު ދުވަހުގެ މެންދުރުގެ ވަގުތެއްގައެވެ. އެމަނިކުފާނުގެ ދަތުރުފުޅުގައި ރައްޔިތުންގެ މަޖިލީހުގައި ތަގްރީރު ކުރެއްވުމަށް ވަނީ ހަމަޖެހިފައެވެ. އަދި ގިނަ އެއްބަސްވުންތަކުގައި ސޮއިކުރެއްވުމަށް ހަމަޖެހިފައިވެއެވެ.
ހުކުރު ދުވަހު ކުރެއްވި ޓްވީޓެއްގައި ބޮޑު ވަޒީރު މޯދީ ވިދާޅުވީ، އިންޑިއާއިން އަބަދުވެސް އެ ގައުމުގެ ކަނޑުގެ ސަރަހައްދުގައި ތިބޭ ގައުމުތަކާއި އެކު ހާއްސަ ގުޅުމެއް ބާއްވަމުންދާ ކަމަށެވެ. އެގޮތުން ރާއްޖެއަކީ އިންޑިއާ އެހާމެ ގާތް އެކުވެރި ރައްޓެހި ގައުމެއް ކަމަށް މޯދީ ވިދާޅުވި އެވެ.
ރާއްޖެ ވަޑައިގަތުމަށް ދައުވަތު ދެއްވި ކަމަށްޓަކައި މޯދީ ވަނީ ރައީސް ސޯލިހަށް ޝުކުރު އަދާކުރައްވާފައެވެ. މޯދީގެ ދަތުރުފުޅުގައި ދެ ގައުމުގެ މެދުގައި އެއްބަސްވުންތަކެއްގައި ސޮއި ކުރުމަށް ވަނީ ހަމަޖެހިފައެވެ. ރާއްޖެއަށް ކުރައްވާ ދަތުރުފުޅުގައި މޯދީ މަޖިލީހުގައި ތަގްރީރު ކުރައްވަން ހަމަޖެހިފައިވަނީ ރޭގަނޑުގެ ވަގުތެއްގައެވެ.
އެމަނިކުފާނުގެ ދެ ދުުވަހުގެ ދަތުރުފުޅު ނިންމަވާލެއްވުމަށް ފަހު ދެން ވަޑައިގަންނަވާނީ އަވަށްޓެރި ސްރީލަންކާއަށެވެ.
