މަސްތުވާތަކެތީގެ ހުރިހާ ހިދުމަތެއް ދޭ ގެއަކުން ހައްޔަރުކުރި 11 މީހަކު ބަންދުގެ މުއްދަތު ޖަހައިފިއެވެ.
ފުލުހުން ހިންގި އޮޕަރޭޝަނެއްގައި އެ މީހުން ހައްޔަރު ކޮށްފައި ވަނީ މަސްތުވާތަކެތި ބޭނުންކޮށް އޭގެ ވިޔަފާރި ކުރާ ކަމަށް ލިބުނު މައުލޫމާތާ ގުޅިގެން ހޯމަ ދުވަހު ކޯޓު އަމުރުގެ ދަށުން މ. އެވަރެސްޓް ބަލާފާސް ކުރުމުގެ ތެރޭގައި ކަމަށެވެ.
ހައްޔަރު ކޮށްފައިވަނީ، 23 އަހަރާ 36 އަހަރާ ދެމެދުގެ އަށް ދިވެހި ފިރިހެނަކާ 23 އަހަރާ 30 އަހަރާ ދެމެދުގެ ބަންގްލަދޭޝް ތިން ފިރިހެނުންނެވެ. އަދި އަންގާރަ ދުވަހު ކްރިމިނަލް ކޯޓަށް ހާޒިރުކުރުމުން 5 މުއްދަތެއް ބަންދަށް ޖަހާފައިވާ ކަމަށް ފުލުހުން ބުންޏެވެ.
ފުލުހުން އެ ގެ ބަލައި ފާސްކުރިއރު މަސްތުވާ ތަކެތި ކަމަށް ބެލެވޭ އެއްޗެހި އަޅަފައި ހުރި ރަބަރު ޕެކެޓާ މަސްތުވާ ތަކެތި ކަމަށް ބެލޭވޭ އެއްޗެއް އަޅާފައި ހުރި ކަރުދާސް ގަނޑެއް ފުލުހުން ވަނީ ހޯދާފައެވެ.
ފުލުހުން ބުނީ، އެ ގެއަށް ވަންނަން އުޅުމުން ފުލުހުންނަށް ހުރަސް އެޅުމުގެ ގޮތުން ފުލުހުންނަށް ނުވަދެވޭ ގޮތަށް ހުރި ދަނގަޑު ތޭރި ދޮރުތައް ނަގައިފައިވާ ކަމަށެވެ. ފުލުހުން އެގެއަށް ވަދެފައިވަނީ އިތުރު ގޮތެއް ނެތިގެން ފާރު ތަޅާލައިގެންނެވެ.
މާލޭގައި ފުޅދާއިރާއެއްގައި މަސްތުވާތަކެތި ވިއްކާ ހިދުމަތްދޭ ތަންތަން ގިނަވެފައިވާއިރު ދާދި ފަހުން ފުލުހުން ވަނީ މަސްތުވާތަކެތި މައްސަލައެއްގައި 37 މީހަކު ހައްޔަރުކޮށްފައެވެ.
