ޖީއޭއެމްގެ އަހަރީ އާއްމު ޖަލްސާ 15 ގައި
މި ބައްދަލުވުމުގައި ޖީއޭއެމްގެ އަސާސީ އާއްމު ގަވާއިދު ބަދަލުކުރުމަށް ވަނީ ހަމަޖެހިފައި
ޖީއޭއެމްގެ ހިންގާ ކޮމިޓީއަށް 15 މެމްބަރުން އިތުރު ކުރުމަށް ހަމަޖެހިފައިވޭ
ގެސްޓް ހައުސް އެސޯސިއޭޝަން މޯލްޑިވްސް (ޖީއޭއެމް)ގެ އަހަރީ އާއްމު ޖަލްސާ 15 ޖޫންގައި އޮންނާނެ ކަމަށް ގޭމްގެ ރައީސް އަހްމަދު ކަރަމް ވިދާޅުވެއްޖެއެވެ.
ކަރަމް "ރާއްޖެ އެމްވީ" އަށް ވިދާޅުވީ 15 ޖޫންގައި އޮތް ގެސްޓް ހައުސް އެސޯސިއޭޝަންގެ އަހަރީ އާއްމު ބައްދަލުވުމުގައި އެންމެ މުހިއްމު ކަމަކަށް އޮތީ އެ ޖަމްއިއްޔާގެ އަސާސީ އާއްމު ގަވާއިދު ބަދަލުކުރުން ކަމަށެވެ.
އޭނާ ވިދާޅުވީ އެ ބައްދަލުވުމުގައި ގެސްޓް ހައުސް އެސޯސިއޭޝަންގެ ހިންގާ ކޮމިޓީއަށް މީހުން އިތުރުކުރުން ހިމެނޭ ކަމަށެވެ. އެގޮތުން އެ ބައްދަލުވުމުގައި ހިންގާ ކޮމިޓީގެ އަދަދު 15 އަށް ބަދަލުކުރެވޭނެ ކަމަށް ކަރަމް ވިދާޅުވިއެވެ. ގެސްޓް ހައުސް އެސޯސިއޭޝަންގެ ހިންގާ ކޮމިޓީގައި މިހާރު ތިބެނީ 9 މީހުންނެވެ.
ގެސްޓް ހައުސް އެސޯސިއޭޝަންގައި ގާތްގަނޑަކަށް 70 ގެސްޓް ހައުސް ރެޖިސްޓްރީ ކޮށްފައިވާ ކަމަށް ކަރަމް ވިދާޅުވިއެވެ.
ގެސްޓް ހައުސް އެސޯސިއޭޝަން އަކީ ގެސްޓް ހައުސްތައް މާރކެޓް ކުރުމާއި، އެ ފަރާތްތަކައް ދިމާވާ މައްސަލަތައް ހައްލު ކުރުމުގައި އެހީތެރިވަމުން އަންނަ ޖަމްއިއްޔާއެކެވެ.
