އުރީދޫ އިން ބިދޭސީންނަށް ހާއްސަކޮށް ރޯދަ ވީއްލުމެއް ބާއްވައިފި
މި ރޯދަ ވީއްލުން ބާއްވާފައިވަނީ މާލެ ސޮޓީ ކައުންސިލާއި ގުޅިގެން
އުރީދޫ އިން ބޭއްވި ރޯދަ ވީއްލުމުގެ ތެރެއިން
އުރީދޫ އިން ބިދޭސީންނަށް ހާއްސަކޮށް ރޯދަ ވީއްލުމެއް ބާއްވައިފިއެވެ.
މި ރޯދަ ވީއްލުން ބާއްވާފައި ވަނީ މާލެސިޓީ ކައުންސިލާ ގުޅިގެން ހޮނިހިރު ދުވަހު މާލެ ސިޓީ ކައުންސިލްގައެވެ.
މި ރޯދަ ވީއްލުމުގައި ރާއްޖޭގެ ދިރިއުޅޭ ގިނަ އަދަދެއްގެ ބިދޭސީން ބައިވެރިވެފައިވާއިރު އުރީދޫގެ ފަރާތުން ވަނީ ކޮންމެ ބިދޭސީއަކަށް ރޯދަ ހަދިޔާއެއްގެ ގޮތުން މުންޑެއް ހަދިޔާ ކޮށްފައެވެ.
އުރީދޫގެ ޑިރެކްޓަރ އޮފް ސޭލްސް އެންޑް ބްރޭންޑް ހުސެއިން ނިޔާޒް ވިދާޅުވީ ރޯދަ މަހަކީ އެންމެ އެއްބައިވެގެން އުޅެންޖެހޭ މައްސަރެއް ކަމަށާއި އުރީދޫގެ ފަރާތުން ބިދޭސީންނަށް ދިން ރޯދަ ވީއްލުމަކީ އެމީހުންގެ ބުރަ މަސައްކަތާއި ރާއްޖެއަށްޓަކައި ކޮށްފައިވާ މަސައްކަތުގެ އަގު ވަޒަންކޮށްދިނުމުގެ ގޮތުން ކުރި ކަމެއް ކަމަށެވެ.
މި ރޯދަ ވީއްލުމުގައި އުރީދޫގެ އިސްވެރިންނާއި މާލެ ސިޓީ ކައުންސިލްގެ މޭޔަރ ޝިފާ މުހައްމަދުގެ އިތުރުން ކައުންސިލްގެ އިސް ބޭފުޅުން ވެސް ވަނީ ބައިވެރިވެފައެވެ.
