ބޮލީވުޑްގެ ތަރި ސަންޖޭ ކަޕޫރުގެ އަންހެން ދަރިފުޅު ޝަނާޔާ ކަޕޫރު ބޮލީވުޑަށް ތަޢާރަފް ވެގެންދާނީ ކަރަން ޖޯހަރުގެ ފިލްމަަކުން ކަމަށް ދެކެވޭ ވާހަކަ ތަކަކީ ހަގީގަތެއް ނޫން ކަމަށް ސަންޖޭ ބުނެފިއެވެ.
ސަންޖޭ ބުނެފައިވަނީ ޝަނާޔާ މިވަގުތު ދަނީ ބޮލީވުޑަށް ދިއުމަށް ތައްޔާރުވަމުން ކަމަށާއި ވަރަށް އަވަހަށް ފިލްމެއްގެ މަސައްކަތް ފަށާނެ ކަމަށެވެ.
ޝަނާޔާ މިވަގުތު މަސައްކަތް ކުރަމުންދަނީ އޭނާގެ ކަޒިންގެ ދައްތަ ޖާންވީ ކަޕޫރުގެ އަންނަން އޮތް ފިލްމް "ގުންޖަން ސަންސޭނާ" ގެ ބައޯޕިކް ގެ އެސިސްޓެންޓް ޑައިރެކްޓަރެއްގެ ގޮތުގައެވެ.
އަދި ނަމެއް ދީފައިނުވާ މި ފިލްމްގެ ޝޫޓިންތައް މިހާރު ނަގަމުންދަނީ ލެކްނޯގައެވެ. ޝަނާޔާ ވެސް މިވަގުތު ހުރީ ލަކްނޯގައި ކަމަށް ސަންޖޭ ވަނީ ބުނެފައެވެ.
މިއަހަރުގެ ފެބްރުއަރީ މަހު ސަންޖޭ ވަނީ ޝަނާޔާއަށް ބޮލީވުޑަށް މަރުހަބާ ކިޔާފައެވެ. ޝަނާޔާގެ މަންމަ މަހީޕް ވެސް ވަނީ ޝަނާޔާ އާއި ސަންޖޭ އެކުގައިވާ ފޮޓޯއެއް އިންސްޓަގްރާމްގައި ހިއްސާކޮށް އެ ފޮޓޯގެ ކެޕްޝަންގައި ޝަނާުޔާއަށް އޯލް ދަ ބެސްޓް ކިޔާފައެވެ. އަދި ދެ ހަފްތާއަށް ލަކްނޯއަށް ޝަނާޔާ ދިޔަކަމަށާއި ހަނދާންވާ ކަމަށް ވަނީ ބުނެފައެެވެ.
