ފަތުރުވެރިކަމުގެ ދާއިރާގެ މަސައްކަތްތެރިންގެ ދަފްތަރު މި އަހަރު އެކުލަވާލާނަން: އަލީ ވަހީދު
1 މެއި 2019 | ބުދަ 10:23ހެޔޮ ބަދަލުތަކެއް މުޅި ސިނާއަތަށް ގެންނަވާނެ ކަމުގެ ޔަގީންކަން ދެއްވި
ފަތުރުވެރިކަމުގެ ސިނާއަތުގައި މަސައްކަތްކުރާ މީހުންގެ ހައްގުގައި ޓީމްއިން ހިންގި ހަރަކާތެއްގެ ތެރެއިން
ފަތުރުވެރިކަމުގެ ސިނާއަތުގައި މަސައްކަތް ކުރާ މަސައްކަތްތެރިންގެ ދަފްތަރު މި އަހަރުގެ ތެރޭގައި އެކުލެވިގެން ދާނެ ކަމަށް މިނިސްޓަރ އޮފް ޓުވަރިޒަމް އަލީ ވަހީދު ވިދާޅުވެއްޖެއެވެ.
ބައިނަލްއަގްވާމީ މަސައްކަތްތެރިންގެ ދުވަސް ކަމުގައިވާ މޭ އެކެއް (މޭ ޑޭ)ގެ މުނާސަބަތުގައި އަލީ ވަހީދު ކުރެއްވި ޓްވީޓެއްގައި ވިދާޅުވީ، ރާއްޖޭގައި ފުރަތަމަ ފަހަރަށް އެކުލަވާލާ ފަތުރުވެރިކަމުގެ ސިނާއަތުގެ މަސައްކަތްތެރީންގެ ދަފްތަރު މި އަހަރުގެ ތެރޭގައި އެކުލެވިގެން ދާނެ ކަމަށެވެ.
މިނިސްޓަރ އިތުރަށް ވިދާޅުވީ މުޅި ފަތުރުވެރިކަމުގެ ސިނާއަތަށް ހެޔޮ ބަދަލުތަކެއް އަންނާނެ ކަމަށެވެ. ޓްވީޓުގައި އެ މަނިކުފާނު ވަނީ މަސައްކަތްތެރިންގެ ދުވަހުގެ ތަހުނިޔާ ހުރިހާ މަސައްކަތްތެރިންނަށް ރައްދު ކޮށްދެއްވާފައެވެ.
މިނިސްޓަރ އަލީ ވަހީދު މިހެން މި ވިދާޅުވީ، ފަތުރުވެރިކަމުގެ ސިނާއަތުގެ މަސައްކަތްތެރީންގެ ތެރޭގައި ސަރުކާރުން ކަނޑައަޅާފައިވާ ނިސްބަތާއި އެއްގޮތަށް ރިސޯޓުތަކުގައި ވަޒީފާތަކުގައި ދިވެހިން ނޫޅޭ މައްސަލަ ހައްލުކުރަން ސަރުކާރުން މަސައްކަތްތަކެއް ފަށާފައިވާ ދުވަސްވަރެއްގައެވެ.
