ކ. މާލެ
|
18 އޭޕްރިލް 2019 | ބުރާސްފަތި 15:44
ޓޮޓެންހަމްއަށް ލަނޑު ޖެހުމަށްފަހު ލޮރެންޓޭ އުފާފާޅުކުރަނީ
ޓޮޓެންހަމްއަށް ލަނޑު ޖެހުމަށްފަހު ލޮރެންޓޭ އުފާފާޅުކުރަނީ
ޓްވިޓަރ
ޗެމްޕިއަންސް ލީގު
ޗެމްޕިއަންސް ލީގު: އެގްރިގޭޓުން ސިޓީ ބަލިކޮށް ޓޮޓެންހަމް ސެމީއަށް
 
ސިޓީގެ މައްޗަށް ޓޮޓެންހަމް ކުރިހޯދީ އަވޭ ލަނޑުން

ޔުއެފާ ޗެމްޕިއަންސް ލީގުގައި އެގްރިގޭޓް ނަތީޖާއިން މެންޗެސްޓާ ސިޓީ ބަލިކޮށް ޓޮޓެންހަމް ހޮޓްސްޕާ ސެމީ ފައިނަލަށް ދަތުރުކޮށްފިއެވެ.

ބުދަ ދުވަހުގެ ރޭ ކުޅުނު ދެވަނަ ލެގުގެ މެޗު ޓޮޓެންހަމްއާ ވާދަކޮށް ސިޓީން ކާމިޔާބުކުރީ 3-4 ގެ ނަތީޖާއަކު ކާމިޔާބުކޮށްފައިވާއިރު، ފުރަތަމަ ލެގުގެ މެޗު 0-1 ގެ ނަތީޖާއިން ކާމިޔާބުކުރީ ޓޮޓެންހަމްއިންނެވެ.

އެގޮތުން އެގްރިގޭޓުން 4-4 ގެ ނަތީޖާއިން ދެޓީމު އެއްވަރުވުމާއެކު، އަވޭ ގޯލުން ޓޮޓެންހަމް ވަނީ ސެމީފައިނަލުން ޖާގަ ހޯދާފައެވެ.

ސިޓީ ދަނޑުގައި ކުޅުނު ދެވަނަ ލެގުގެ މެޗު ފެށިގެން ހަތަރުވަނަ މިނެޓުގައި އެޓީމުން ވަނީ ލީޑު ނަގާފައެވެ. މި ލަނޑު ކެވިން ޑިބްރޭނާގެ އެހީތެރިކަމާއެކު ކާމިޔާބުކުރީ ރަހީމް ސްޓާލިންއެވެ.

ނަމަވެސް އޭގެ ހަ މިނެޓު ފަހުން ކްރިސްޓިއަން އެރިކްސަންގެ އެހީތެރިކަމާއެކު ސޮން ކާމިޔާބުކުރި ލަނޑުން ޓޮޓެންހަމުން ވަނީ ނަތީޖާ ހަމަހަމަކޮށްފައެވެ. އަދި އޭގެ މިނެޓެއް ފަހުން ސޮން ވަނީ އިތުރު ލަނޑެއް ކާމިޔާބުކޮށް ޓޮޓެންހަމްއަށް ލީޑު ނަގައިދީފައެވެ.

ސިޓީން ނަތީޖާ ހަމަހަމަކުރީ 11 ވަނަ މިނެޓުގައި ސާޖިއޯ އަގުއެރޯގެ އެހީތެރިކަމާއެކު ބެނާޑޯ ސިލްވާ ކާމިޔާބުކުރި ލަނޑުންނެވެ. އަދި 21 ވަނަ މިނެޓުގައި ސިޓީން ވަނީ ސްޓާލިން ކާމިޔާބުކުރި އިތުރު ލަނޑަކުން މެޗުގެ ލީޑު އަނބުރާ ހޯދާފައެވެ.

ދެވަނަ ހާފް ފެށިގެން ސިޓީން ވަނީ ލީޑު އިތުރަށް ފުޅާކޮށްފައެވެ. މި ލަނޑު 59 ވަނަ މިނެޓުގައި ޑިބްރޭނާގެ އެހީތެރިކަމާއެކު ކާމިޔާބުކުރީ އަގުއެރޯއެވެ. ނަމަވެސް މެޗު ނިމުމުގެ ކުރިން ލޮރެންޓޭ ވަނީ ޓޮޓެންހަމްއަށް ނަތީޖާގެ ފަރަގު ކުޑަކޮށްދީފައެވެ.

މި ނަތީޖާއާއެކު ސެމީގައި ޓޮޓެންހަމް ބައްދަލުކުރާނީ ރެއާލް މެޑްރިޑް އަދި ޔުވެންޓަސް ކަޓުވާލުމަށްފަހު ސެމީން ޖާގަ ހޯދި އަޔަކްސްއާއެވެ. މި މެޗު އޮންނާނީ މި މަހުގެ 30 ވަނަ ދުވަހުއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
100%
0%
0%
0%
0%
ކޮމެންޓް