އާދީއްތަ 16 ޖޫން 2019
14 މިއަހެލި
1440 ޝައްވާލް 12
ފަތިސް 04:36
އިރުއަރާ 05:54
މެންދުރު 12:11
އަސްރު 15:34
މަޣްރިބް 18:19
އިޝާ 19:38
ކުޅިވަރު - ޗެމްޕިއަންސް ލީގު

ޗެމްޕިއަންސް ލީގު: ސިޓީ ބަލިކޮށް ޓޮޓެންހަމުން ސެމީއާ ފިޔަވަޅެއް ގާތަށް

  • ޓޮޓެންހަމްގެ ކުޅުންތެރިން އުފާފާޅުކުރަނީ

ލީވާން އަލީ
MrLeevaan

ކ. މާލެ 10 އޭޕުރިލް 2019 | ބުދަ 17:40 1,288

ޓޮޓެންހަމްގެ ކުޅުންތެރިން އުފާފާޅުކުރަނީ - ގޯލް.ކޮމް

ޔުއެފާ ޗެމްޕިއަންސް ލީގުގައި މެންޗެސްޓާ ސިޓީ ބަލިކޮށް ޓޮޓެންހަމް ހޮޓްސްޕާއިން ސެމީފައިނަލާ ފިޔަވަޅެއް ގާތަށް ޖެހިލައިފިއެވެ.

އަންގާރަ ދުވަހުގެ ރޭ ކުޅުނު ކުއާޓާގެ ފުރަތަމަ ލެގުގައި ޓޮޓެންހަމުން ސިޓީގެ މައްޗަށް ކުރިހޯދީ 0-1 ގެ ނަތީޖާއަކުންނެވެ.

ޓޮޓެންހަމް ދަނޑުގައި ކުޅުނު މި މެޗު ފެށިގެން ދެޓީމުގެ ފަރާތުން ވެސް ފެނިގެންދިޔައީ ދާދި ހަމަހަމަ ކުޅުމެކެވެ. އެގޮތުން ދެ ޓީމުން ވެސް ވަނީ ލަނޑު ޖެހުމަށް ފުރުސަތުތައް ތަނަވަސްކޮށްފައެވެ.

މެޗުގެ 13 ވަނަ މިނެޓުގައި ސިޓީއަށް ވަނީ ޕެނަލްޓީއެއް ލިބި ބޭކާރުވެފައެވެ. އެ ޓީމުގެ އިތުބާރު ފޯވާޑް ސާޖިއޯ އަގުއެރޯ ފޮނުވާލި މި ޕެނަލްޓީ ޓޮޓެންހަމްގެ ކީޕަރު ހޫގޯ ލޮރިސް ވަނީ ދިފާއުކޮށްފައެވެ. މިއީ ޗެމްޕިއަންސް ލީގުގައި އަގުއެރޯ މިސްކުރި ހަތަރު ވަނަ ޕެނަލްޓީއެވެ.

މި ހާފްގައި ސިޓީއަށް ލީޑު ނެގުމަށް ގިނަ ފުރުސަތުތައް ލިބުނެވެ. ނަމަވެސް ޓޮޓެންހަމުން ވަނީ ސިޓީގެ ހަމަލާތައް ދިފާއުކޮށް ބައިކޮޅަށް ލަނޑެއް ވަނެނުދީ ފުރަތަމަ ހާފް ނިންމާލާފައެވެ.

ދެވަނަ ހާފް ފެށިގެން ޓޮޓެންހަމުން އެޓީމުގެ އެޓޭކްތައް ވަރުގަދަކުރިއިރު، ލަނޑު ޖެހުމަށް ވެސް ފުރުސަތުތަކެއް ހޯދިއެވެ. އެގޮތުން 78 ވަނަ މިނެޓުގައި އެޓީމުން ވަނީ ލީޑު ނަގާފައެވެ. މި ލަނޑު ކްރިސްޓިއަން އެރިކްސަންގެ އެހީތެރިކަމާ އެކު ކާމިޔާބުކުރީ ސޮންއެވެ.

ސިޓީ އަދި ޓޮޓެންހަމް ބައްދަލުކުރާ ދެވަނަ ލެގުގެ މެޗު އޮންނާނީ މި މަހުގެ 17 ވަނަ ދުވަހު ސިޓީ ދަނޑުގައެވެ. ސެމީގެ ޖާގަ ހޯދަން މި މެޗު ދެ ލަނޑުގެ ތަފާތުން ސިޓީން ކާމިޔާބުކުރަންޖެހޭނެއެވެ.

ސިޓީ އަދި ޓޮޓެންހަމް ބައްދަލުކުރާ ދެވަނަ ލެގުން މޮޅުވާ ޓީމެއް ސެމީގައި ބައްދަލުކުރަންޖެހޭނީ ޔުވަންޓަސް ނުވަތަ އަޔަކްސްއާއެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް