ކޮލަމްބޯގައި އެއްޗެއް ގޮވައި ހަތަރު މީހަކަށް އަނިޔާވެއްޖެ

އަވަށްޓެރި ސްރީ ލަންކާގެ ކޮލަމްބޯގެ ކޮއްލުޕިޓިޔާގައި އެއްޗެއް ގޮވައި ހަތަރު މީހަކަށް އަނިޔާވެއްޖެއެވެ.

ގޮވުމުގެ ހާދިސާ ހިނގާފައިވަނީ ކޮއްލުޕިޓިޔާގެ ޖަންކްޝަންގައި ހުންނަ ފިހާރާ ސަރަހައްދުގައި ކަމަށް ފުލުހުންވަނީ ބުނެފައެވެ. މިހާދިސާ ހިނގާފައި ވަނީ ލަންކާ ގަޑިން މެންދުރު 12:30 އެހާ އިރު ކަމަށާއި، ހާދިސާގައި ޒަހަމް ވެފައިވަނީ އެ ސަރަހައްދުގައި ވިޔަފާރި ކުރާ ފިހާރާއެއްގެ ދެމީހަކުގެ އިތުރުން ޗައިނާގެ ދެމީހެކެވެ. އެމީހުންނަށް މިހާރު ދަނީ ކޮލަމްބޯ ޖެނެރަލް ހޮސްޕިޓަލްގައި ފަރުވާދެމުންނެވެ.

ފުލުހުނ ބުނީ ، ގޮވުމުގެ ސަބަބުން އެ ސަރަހައްދުގައި ހުރި 11 ފިހާރަ އަކަށް ވަގުތީ ގޮތުން ބަންދުކޮށްފައިވާއިރު، އިތުރު ތިން ފިހާރައަކަށް ގެއްލުން ލިބިފައިވާ ކަމަށެވެ. ފުލުހުންނަށް ޝައްކު ކުރެވޭ ގޮތުގައި މިހާދިސާ ހިނގާފައިވަނީ ރެސްޓޯރަންޓެއްގެ ގޭސް ފުޅިއެއް ލީކުވެގެން ކަމަށެވެ.

އެހެން ނަމަވެސް ހާދިސާ ތަހުގީގު ކުރުމަށް ކޯއްލުޕިޓި ފުލުހުންގެ އިތުރުން ބޮމްބް ސްކޮޑް މަސައްކަތް ކުރަމުންދާ ކަމަށް ލަންކާގެ ނޫހުން ރިޕޯޓްކުރެއެވެ.

ކޮއްލުޕިޓީގައި އެއްޗެއް ގޮވާފައިވާއިރު، އެސަރަހައްދަކީ ދިވެހިން ވެސް ވަރަށް ގިނައިން ވިޔަފާރީ ކުރަން ގޮސް އުޅޭ ސަރަހައްދެކެވެ