ވިނީސިއަސްއަށް ބްރެޒިލް ގައުމީ ޓީމުން ފުރުސަތުލިބިއްޖެ
1 މާރިޗު 2019 | ހުކުރު 13:36ވިނީސިއަސް ހިމަނާފައިވަނީ އެކުވެރިކަމުގެ މެޗެއް ކުޅުމަށް ނެގި ސްކޮޑްގައި
ވިނީސިއަސް ޖޫނިއާ
ރިއަލް މެޑްރިޑަށް ކުޅޭ ބްރެޒިލްގެ ފޯވާރޑް ވިނީސިއަސް ޖޫނިއާ ބްރެޒިލްގެ ގައުމީ ޓީމުން ޖާގަހޯދައިފިއެވެ.
މާޗު މަހުގައި ބްރެޒިލް ޕެނަމާ އަދި ޗެކްރިޕަބްލިކް އާއި ދެކޮޅަށްކުޅޭ އެކުވެރިކަމުގެ މެޗައް ނެގި ސްކޮޑުގައި ވިނީސިއަސް ވަނީ ހިމަނާފައެވެ.
މި ސީޒަނުގައި ރިއަލް މެޑްރިޑްގައި ރަނގަޅު ކުޅުމެއް ކުޅެމުން އަންނަ ވިނީސިއަސްއަށް ގައުމީ ޓީމުން ޖާގައެއް ހައްގުކަމަށް ބްރެޒިލް ޓީމުގެ ކޯޗް ވަނީ ބުނެފައެވެ.
ފަރިތަކުރުމަށް ވަގުތު ކުޑަތަން ވެފައި ވީނަމަވެސް 18 އަހަރުގެ ވިނީސިއަސްއަށް ފުރުސަތު ދޭން ބޭނުންވާ ކަމަށް ކޯޗު ބުނެފައިވެއެވެ.
2019 ވަނަ އަހަރުގެ ކޮޕާ އެމެރިކާއާއި، 2022 ވަނަ އަހަރު އޮންނަ ވޯލްޑްކަޕަށް ބްރެޒިލް ތައްޔާރުވަމުން ދާއިރު، ބްރެޒިލް ޓީމަށް ވަނީ ގަނަ އައު ކުޅުންތެރިންތަކެއް ގެނެސްފައެވެ.
އެކުވެރިކަމުގެ މެޗުތަކަށް ސްކްޑް އެކުލަވާލާފައިވާއިރު، ބްރެޒިލް ޓީމުގެ ކެޕްޓަން ނޭމާ ޖޫނިއާ އަނިއާގައި ހުރުމުން ޓީމަށް ނަގާފައެއް ނުވެއެވެ.
