އާލިއާގެ ފިލްމްތަކުގެ ތެރެއިން ފުރަތަމަ ދުވަހު އެންމެ ބޮޑު އާމްދަނީ ލިބުނު ފިލްމް އިނގޭތަ؟

ބޮލީވުޑްގެ ތަރި އާލިއާ ބަޓް މިހާތަނަށް ކުޅުނު ފިލްމްތަކުގެ ތެރެއިން ފިލްމް ރިލީޒް ކުރި ދުވަހު އެންމެ ބޮޑު އާމްދަނީއެއް ލިބިގެންގޮސްފައިވަނީ މިދިޔަ ބްރާސްފަތި ދުވަހު ރިލީޒްކުރި "ގަލީ ބޯއީ" އެވެ.

އާލިއާ އާއި ރަންވީރު ސިންގް ލީޑް ރޯލުކުޅެފައިވާ މި ފިލްމަށް ފިލްމް ރިލީޒް ކުރި ދުވަހު ބޮކްސް އޮފީހުގައި އާމްދަނީގެ ގޮތުގައި ވަނީ 18.5 ކްރޯޑް ރުޕީސް ލިބިފައެވެ.

މި ފިލްމް ވެގެން ގޮސްފައި މިވަނީ ރަންވީރު ކުޅުނު ފިލްމްތަކުގެ ތެރެއިން ފިލްމް ރިލީޒް ކުރި ދުވަހު އެންމެ އެންމެ ބޮޑު އާމްދަނީއެއް ލިބުނު ދެވަނަ ދެވަނަ ފިލްމަށެވެ. ރަންވީރު ކުޅުނު ފިލްމް ތަކުގެ ތެރެއިން ފިލްމް ރިލީޒް ކުރި ދުވަހު އެންމެ ބޮޑު އާމްދަނީއެއް ލިބިފައިވަނީ މިދިޔަ ޑިސެމްބަރު މަހު ރިލީޒް ކުރި ފިލްމް "ސިމްބާ" އަށެވެ. މި ފިލްމަށް ފިލްމް ރިލީޒްކުރި ދުވަހު އާމްދަނީގެ ގޮތުގައި ލިބިފައިވަނީ 20 ކްރޯޑް ރުޕީސް އެވެ.

ޒޯޔާ އަޚްތަރު ޑައިރެކްޓް ކޮށްފައިވާ ގަލީ ބޯއީ" މި ފިލްމުގައި ދައްކުވައިދެނީ އިންޑިއާގެ ރަށްފުށުގެ ފަގީރު އާއިލާއެއްގެ ޒުވާނަކު ކާމިޔާބު ރެޕާއަކަށް ބަދަލުވެގެންދާގޮތެވެ.

ބާލިން ފިލްމު ފެސްޓިވަލްގައި މި މަހުގެ 9 ވަނަ ދުވަހު ޕްރިމިއާކޮށްގެން ގިނަ ބައެއްގެ ތައުރީފު ވެސް އޮހުނު "ގަލީ ބޯއި" އަކީ އިންޑިއާގެ މަގުމަތިން އުފަންވި ކާމިޔާބު ދެ ރެޕުން ކަމަށްވާ ނައޭޒީ އާއި ޑިވައިންގެ ވާހަކައިން އިންސްޕަޔާވެގެން ހަދާފައިވާ ފިލްމެކެވެ.

މި ފިލްމް ވަނީ އިންޑިއާގެ 3350 ސްކްރީނެއްގައި އާއި ދިނިޔޭގެ އެކިކަންކޮޅުތަކުގައި އާއި އެކު ޖުމްލަ 4101 ކްރީނެއްގައި ރިލީޒްކޮށްފައެވެ.