ދުޅަހެއު ހަށިހެޔޮ ސިޔާސަތުގެ ތެރެއިން މާލޭގެ ހުކުރު ދުވަހުން ހެނދުނު 08:30 އިން ފެށިގެން 10:30 އަށް ހަތަރު މަގެއް ބަންދުކުރާ ގޮތަށް ހަމަޖެއްސައިފިއެވެ.
މާލެ ސިޓީ ކައުންސިލް އިން ބުނީ މި ފެށޭ 15 ފެބްރުއަރީ އިން ފެށިގެން ކޮންމެ ހުކުރު ދުވަހަކު މަގުތަށް ބަންދުކުރާނެ ކަމަށެވެ.
މާލޭ ސިޓީގެ މޭޔާރު ޝިފާ މުހައްމަދު ވިދާޅުވީ، މީގެ ސަބަބުން އިޖްތިމާއި ގުޅުންތައް ވަރުގަދަވެ އެ އަނެކަކުގެ އެހީތެރިކަން ބޭނުންވާ ހާލަތްތަކަށް މިކަމުގެ ސަބަބުން ފަސޭހަ ތަކެއް ވެގެންދާނެ ކަމަށެވެ.
މި ނިންމުން ނިންމާފައި ވަނީ ޓްރާންސްޕޯޓް މިނިސްޓްރީގެ އިތުރުން ޓްރެފިކް ފޮލިހުންނާއި މަޝްވަރާތަކެއް ކޮށްގެން ކަމަށް އޭނާ ވިދާޅުވިއެވެ. މަގުތައް ބަންދު ކުރިޔަސް މަގުމަތީގައި ވިޔަފާރި ނުކުރެވޭނެ ކަމަށް ޝިފާ ވިދާޅުވިއެވެ.
ހުކުރު ދުވަހު ބަންދުކުރަން ހަމަޖެހިފައިވާ މަގުތަކާކީ
1. ހެންވޭރު: ލަންސިމޫގޯޅި / މަޖީދީމަގުން ފެށިގެން ވައިޖެހޭމަގާ ހަމައަށް
2. ގަލޮޅު: ދޮންއަދަރާދަހިނގުން / ބޮޑުރަސްގެފާނުމަގުން ފެށިގެން ލޮނުޒިރާރަތްމަގާ ދޭތެރޭ
3. މައްޗަންގޮޅީ: ދަނބުރުއްމަދު / ދަބުރުއްގޯޅިން ފެށިގެން މަދޮށިގޯލީއާ ހަމައަށް
4. މާފަންނު: ސަބުދެލިމަގު / ހަނދުވަރީހިނގުމުން ފެށިގެން ޢިއްޒުއްދީންމަގާ ހަމައަށް
މިހާރު ކޮންމެ އަވަށަކުން އެއް މަގު ބަންދު ކުރަން ނިންމާފައި ވިޔަސް ރައްޔިތުންގެ އެއްބާރުލުން ލިބޭވަރަކުން ވަގުތުތަކަށާއި، ދުވަސްތަކަށް ވެސް ބަދަލުތަކެއް ގެނެވޭނެ ކަމަށް ކައުންސިލް އިން މައުލޫމާތުދެއެވެ.
މަގުތަކަށް މީހުން ނިކުމެ އުޅޭއިރު ރައްޔިތުންގެ އެއްބާރުލުން ވަރަށް ބޮޑަށް ބޭނުންވާ ކަމަށާއި، އެ ސަރަހައްދު ސާފުކުރުމަށް އިސްކަން ދިނުމަށް މޭޔަރު ޝިފާ ވަނީ އިލްތިމާސް ކޮށްފައެވެ.
''ކުނި ތަން ތަނަށް ޖަމާކޮށްފަ ހުންނަ ކަމަށް ވަންޏާ އެ މަހައުލަކީ ރަނގަޅު މަހައުލެއް ނޫން ނުކުމެ އުޅޭކަށް. އަޅުގަނޑމެންނަށް މި ބެލިބެލިމުން އިނގެނީ މިހާރު ސަރަހައްދުގެ ރައްޔިތުން ނުކުމެ ބަހައްޓާ މީހާއަށް އެކަން މަނާ ކުރަން އަސްލު މަސައްކަތް ފައްޓަވާ ދެއްވައިފި ކަމަށް ވަނަމަ އެއީ ވަރަށް ބޮޑު ލުޔެކޭ މުޅި މާލޭއަށް ލިބެމުންދާ'' ޝިފާ ވިދާޅުވިއެވެ.
ޝިފާ ވިދާޅުވީ، އިމާރާތް ކުރާ ފަރާތްތަކަށް މަގުމަތީގައި އެއްޗެހި ބަހައްޓަން ހުއްދަ ދެނީ ދެ ދުވަހަށް ކަމަށެވެ. އެކަމަކު އެކަން ބައެއް ފަރާތްތަކަށް އޮޅިފައިވާ ކަމަށެވެ.
''ބައެއް ބޭފުޅުންނަށް ހީފުޅުވެއްލައްވާ މާލެ ސިޓީ ކައުންސިލް އިން އަސްލު އެ ހުއްދަ ދެނިއްޔޭ. އެއިކީ ހުއްދަ ދީފައި އޮންނަ ކަމެއް ނޫން. އެއްގޮތަކަށްވެސް މާލޭގެ މަގުތަކުގައި އެއްޗެތި ބަހައްޓާ ހެދުމަކަށް ހުއްދަ ދެވިފައެއް ނޮންނާނެ.'' އޭނާ ވިދާޅުވިއެވެ.
މާލޭގައި ކަޑައެޅޭ މަގުތަކެއް ހުކުރު ދުވަހު ހެދުނު ބަންދުކޮށް އާއިލާ އާއި ކުޑަ ކުދިނަށް ޖަޒީރާ މާހައުލެއް ހޯދައިދިނުމަކީ ރައީސުލްޖުމްހޫރިއްޔާގެ އިބްރާހިމް މުހައްމަދު ސޯލިގެ ފުރަތަމަ 100 ދުވަހުގެ ތެރޭ ހިމެނޭ ކަމެކެވެ.