ބުދަ 26 ޖޫން 2019
10 އަދަ
1440 ޝައްވާލް 22
ފަތިސް 04:38
އިރުއަރާ 05:56
މެންދުރު 12:13
އަސްރު 15:36
މަޣްރިބް 18:21
އިޝާ 19:40
ލުއި ޚަބަރު - ޔޫއޭއީ

އިންސާނުން އާބާދުކުރަން ޔޫއޭއީ އިން މާސްގައި ސިޓީއެއް ބިނާ ކުރަނީ

  • ޕްރޮޖެކްޓްގެ ނަމަކީ ދަ "މާސް 2117"
  • މި ޕްރޮޖެކްޓް ސައިންސާއި ޓެކްނޮލޮޖީއަށް ބޮޑު އިންގިލާބެއް ގެނުވާނެ

އާމިނަތު ނުޒުހާ
nuzu8121

ކ. މާލެ 16 ފެބުރުއަރީ 2017 | ބުރާސްފަތި 03:35 2,353

ޔޫއޭއީން މާސްގައި ބިނާކުރާ ސިޓީއާ ވައްތަރު ކުރެހުމެއް - ޓްވިޓަރ

ޔުނަިއޓެޑް އެރެބް އެމިރޭޓްސްއިން ފުރަތަމަ ފަހަރަށް ޕްލެނެޓް މާސްގައި ސިޓީއެއް ބިނާކުރުމަށް ނިންމައި އެކަން އިއުލާންކޮށްފިއެވެ.

ޔޫއޭއީން މި ޕްރޮޖެކްޓް އިއުލާން ކުރަމުން ބުނެފައިވަނީ، މި ޕްރޮޖެކްޓް ކުރިއަށް ގެންދިއުމަށް ހަމަޖެހިފައިވަނީ ބައިނަލް އަގުވާމީ ތަޖުރިބާކާރުންނާއި އަދި މޮޅެތި ސައިންސްވެރިނާ ވެސް ގުޅިގެންކަމަށެވެ.

ދަ "މާސް 2117" އިއުލާނުކޮށްދެއްވަމުން ޔޫއޭއީގެ ނައިބު ޝެއިޚް މުހައްމަދު ބިން ރާޝީދު އަލް މަޚްތޫމް ވިދާޅުވީ، މި ބިން ފިޔަވާ އެހެން ޕްލެނެޓެއްގައި އިންސާނުން އާބާދު ކުރުމަކީ އެތައް ދުވަހަކުއްސުރެ ދެކެމުން އަންނަ ހުވަފެނެއް ކަމަށެވެ.

"ބައިނަލްއަގުވާމީ އެހީއާއެކު މި ހުވަފެނުގައި ހަގީގީ ކުލަ ޖެއްސޭތޯ ގަދައަޅާ މަސައްކަތް ކުރާނަން" 5 ވަނަ ވޯލްޑް ގަވަރުމެންޓް ސަމިޓްގައި ވާހަކަދައްކަވަމުން  ޝެއިޚް ވިދާޅުވިއެވެ.

ޔޫއޭއީ ސަރުކާރުން ނެރެފައިވާ ބަޔާނެއްގައި ބުނެފައިވަނީ، މި ޕްރޮޖެކްޓްގެ ފުރަތަމަ ފިޔަވައްސެއްގެ ގޮތުގައި ސައިންސްވެރިންގެ ޓީމަކުން ރެޑް ޕްލެނެޓް މާސްގައި ބޮޑެތި ތަހުލީލުތަކެއް ކުރާނެއެވެ. މިކަމުގެ ތެރޭގައި ޔޫއޭއީގެ ސައިންސްވެރިން ތަކެއް އުފެދިގެންދާނެއެވެ.  

މި މެގަ ޕްރޮޖެކްޓާ ގުޅޭ ގޮތުން ހޯދަން ޖެހޭ ސައިންސްގެ ހޯދުންތަކާއި އިތުރު މަސައްކަތްތައް ކުރުމަށް 2021 ވަނަ އަހަރު ރެޑް ޕްލެނެޓް މާސްއަށް ޖައްވީ އުޅަދެއް ފޮނުވާލަން ވަނީ ހަމަޖެހިފައެވެ.

މި ޕްރޮޖެކްޓް ވެގެންދާނީ ސައިންސާއި ޓެކްނޮލޮޖީއަށް ބޮޑު އިންގިލާބެއް ގެނުވާނެ ޕްރޮޖެކްޓަކަށެެވެ.

އެންމެ ފަހުން އަޕްޑޭޓް ކުރީ: 5 ދުވަަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް