އަންގާރަ 20 އޯގަސްޓު 2019
10 މާ
1440 ޒުލްޙައްޖު 18
ފަތިސް 04:48
އިރުއަރާ 06:01
މެންދުރު 12:13
އަސްރު 15:25
މަޣްރިބް 18:18
އިޝާ 19:32
ކުޅިވަރު - ވިލިއަންގެ ޓްރާންސްފާ

ޕީއެސްޖީން ވިލިއަންއަށް ފާރަލަނީ

  • ވިލިއަންގެ އެއްބަސްވުން ހަމަވާނީ 2020 ގައި

ލީވާން އަލީ
MrLeevaan

ކ. މާލެ 7 ފެބުރުއަރީ 2019 | ބުރާސްފަތި 09:34 2,088

ޗެލްސީއަށް ކުޅެމުން އަންނަ ވިލިއަން - ގެޓީ އިމޭޖާސް

ޕެރިސް ސެއިންޓް ޖާމަން (ޕީއެސްޖީ) އިން ޗެލްސީއަށް ކުޅެމުން އަންނަ ވިލިއަންއަށް ފާރަލަމުން އަންނަ ކަމަށް ރިޕޯޓްތައް ބުނެފިއެވެ.

ދަ މިރާއިން ބުނީ ކުރިޔަށް އޮތް ސީޒަނަށް ތައްޔާރުވުމުގެ ގޮތުން ޕީއެސްޖީން ގިނަ ކުޅުންތެރިންނަށް ފާރަލަމުން އަންނަ ކަމަށާއި، އޭގެ ތެރޭގައި ޗެލްސީއަށް ކުޅެމުން އަންނަ ވިލިއަންވެސް ހިމެނޭ ކަމަށެވެ.

ޕީއެސްޖީން ވަނީ ނިމިދިޔަ ޖެނުއަރީ ޓްރާންސްފާގައިވެސް ވިލިއަން ހޯދުމަށް މަސައްކަތް ކޮށްފައެވެ. ނަމަވެސް ޖެނުއަރީ ޓްރާންސްފާ ބާޒާރު ބަންދުވިއިރުވެސް ޕީއެސްޖީއަށް ވިލިއަން ހޯދޭގޮތް ވަނީ ނުވެފައެވެ.

ޗެލްސީއާއެކު ވިލިއަން ހަދާފައިވާ އެއްބަސްވުން 2020 ވަނަ އަހަރު ހަމަވާނެއެވެ.

ދާދި ފަހުން ނޫސްވެރިންނަށް މައުލޫމާތު ދެމުން ވިލިއަން ބުނީ، އާ އެއްބަސްވުމެއްގައި ސޮއިކުރަން ކްލަބުން ބޭނުންވާކަން އޭނާއަށް ނޭނގޭ ކަމަށާއި، ނަމަވެސް އާ އެއްބަސްވުމެއް އޭނާ ބޭނުންވާ ކަމަށެވެ.

ކުރިމަގު އޮތީ ޗެލްސީއާ އެކު ފާހަގަކުރަމުން ވިލިއަން ބުނީ، ޗެލްސީގައި ހޭދަކުރި ފަސް އަހަރާ ބައިގެ މުއްދަތުގައި ގިނަ ކާމިޔާބީތަކެއް ކްލަބާ އެކު ހޯދިފައިވާ ކަމަށާއި، ކްލަބުގައި އޭނާ ހުރީ ވަރަށް ހިތްހަމަޖެހިގެން ކަމަށެވެ.

ޗެލްސީގައި މަޑުކުރާނެ ކަމަށް ވިލިއަން ބުނެފައިވާއިރު، އޭނާ ހޯދުމަށް ބާސާއިން އަންނަނީ މަސައްކަތް ކުރަމުން ކަމަށް ރިޕޯޓްތައް ބުނެއެވެ.

ބްރެޒިލްގެ ކޮރިންތިއަންސް އިން ކެރިޔަރު ފެށި ވިލިއަން ޗެލްސީއަށް ބަދަލުވީ 2013 ވަނަ އަހަރުގެ ސީޒަނުގައެވެ. އޭނާ ވަނީ މިހާތަނަށް އެޓީމަށް ކުޅުނު 273 މެޗުގައި 51 ލަނޑު ކާމިޔާބުކޮށްފައެވެ.

ވިލިއަން ވަނީ ޗެލްސީއާއެކު ޕްރިމިއާ ލީގު ދެފަހަރު، އެފްއޭ ކަޕް އެއްފަހަރު އަދި ފުޓުބޯޅަ ލީގު ކަޕް އެއްފަހަރު ކާމިޔާބު ކޮށްފައެވެ.

ބްރެޒިލް ގައުމީ ޓީމަށް ކުޅުނު 64 މެޗުގައި 8 ލަނޑު ކާމިޔާބުކޮށްފައިވާ ވިލިއަން ވަނީ 2007 ވަނަ އަހަރު ބްރެޒިލްގެ 20 އަހަރުން ދަށުގެ ޓީމާއެކު ސައުތު އެމެރިކަން ޔޫތު ފުޓުބޯލް ޗެމްޕިއަންޝިޕް ވެސް ކާމިޔާބު ކޮށްފައެވެ

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް