ނޯޓް ބްރޭންޑްގެ ކޮސްމެޓިކްސް ހުޅުމާލެ އަދި ވިލިމާލެއަށް
ނޯޓް ބްރޭންޑް އަކީ ތުރުކީގެ އުފެއްދުމެއް
ނޯޓް ބްރޭންޑްގެ ކޮސްމެޓިކްސް - ހުޅުމާލޭގައި ހުންނަ ލަ ރޯސާ ފިހާރައިގައި
ތުރުކީގެ ނޯޓް ބްރޭންޑްގެ ކޮސްމެޓިކްސް ހުޅުމާލެ އަދި ވިލިމާލެއަށް ނިއު އެޑިޝަންއިން ތައާރަފުކޮށްފިއެވެ.
އާދިއްތަ ދުވަހުގެ ރޭ ހުޅުމާލޭގެ ލަ ރޯސާ ފިހާރައިގައި ބޭއްވި ރަސްމިއްޔާތު ޝަރަފުވެރިކޮށްދެއްވާ އެ ބްރޭންޑް ލޯންޗުކޮށްދެއްވީ މޭކަޕް އާޓިސްޓް ސުއިޒާ އިބްރާހީމް އާއި ޕައިލެޓް ފަސްޓް އޮފިސަރ ހައްވާ ތައުފީޤުއެވެ.
ނިއު އެޑިޝަން ފިހާރައިގެ ފަރާތުން ނޯޓް ކޮސްމެޓިކްސް ތައާރަފުކޮށްފައިވަނީ ވިލިމާލޭގެ އަލިޝްބާ ފިހާރަ އަދި ހުޅުމާލޭގެ ލަ ރޯސާ ފިހާރައަށެވެ. އެ ދެ ފިހާރައިން ވެސް ނޯޓް ބްރޭންޑްގެ ޕްރޮޓަކްޓް ޑިސްޓިބިއުޓްކޮށް ވިއްކާނެއެވެ.
ނިއު އޭޑިޝަންގެ ފަރާތުން އަހްމަދު ޝިޔާމް ވިދާޅުވީ ނޯޓް ބްރޭންޑްގެ ކޮސްމެޓިކްސްއަށް އޮންނަ ތަރުހީބު ދިވެހިންގެ މެދުގައި އިތުރުވަމުންދާ ކަމަށާއި ނޯޓް ބްރޭންޑްގެ ކޮސްމެޓިކްސް ހުޅުމާލެ އަދި ވިލިމާލެއަށް ޑިސްޓްރިބިއުޓަރުން މެދުވެރިކޮށް ތައާރަފުކުރީ ވެސް ވަރަށް ގިނަ ކަސްޓަމަރުންގެ އެދުމުގެ މަތިން ކަމަށެވެ.
ނިއު އެޑިޝަންގެ ފިހާރައަށް މި ބްރޭންޑްގެ ކޮސްމެޓިކްސް ތައާރަފުކޮށްފައިވަނީ މިދިޔަ އަހަރުގެ ޖެނުއަރީ މަހުގައެވެ.
މި ބްރޭންޑްގެ މޭކަޕްކުރުމަށް ބޭނުންކުރާ ނޯޓް ބްރޭންޑްގެ ފައުންޑޭޝަން އާއި ކޮންސީލަރ އާއި ލިޕްސިޓިކާއި އައިލައިނަރ އަދި އައިޝެޑޯ ފަދަ ސާމާނުތައް ހިމެނެއެވެ.
ނޯޓް ބްރޭންޑްގެ ކޮސްމެޓިކްސް އުފައްދާފައި ވަނީ ކަނޑު އަޑީގެ މައުދަނާއި ފަތްޕިލާވެލި ބޭނުންކޮށްގެންނެވެ. އަދި މި ޕްރޮޑަކްޓް އުފެއްދުމަށް ރޯމެޓީރިއަލާއި މިނަރަލްސް ބޭނުންކޮށްފައި ވަނީ ވެސް އިންސާނުންގެ ހަމަށް ފައިދާވާ މިންގަނޑަށް ބަލައިގެންނެވެ.
