ކުރީގެ އެއް ނަމްބަރު ޓެނިސް ކުޅުންތެރިޔާ ސްޕެއިންގެ އެންޑީ މުރޭ ރިޓަޔާކުރަން އުޅޭކަން އިއުލާންކޮށްފިއެވެ.
ޓެނިސްގެ ދުނިޔެ ސިއްސުވާލުމަށްފަހު މުރޭ ރިޓަޔާކުރާކަން އިއުލާންކުރީ އޮސްޓްރޭލިއަން އޯޕަންގައި ހޯމަ ދުވަހު ރޮބާޓޯ ބައުޓިސްޓާ އޯގަޓްއާ ދެކޮޅަށް ނިކުތުމުގެ ކުރިން ބޭއްވި ނޫސްވެރިންގެ ބައްދަލުވުމުގައެވެ.
މުރޭ ބުނީ އަދިވެސް އޭނާގެ އަނިޔާ އެއްކޮށް ރަނގަޅު ނުވާ ކަމަށާއި، އަނިޔާއިން ސަލާމަތްވުމަށް ކުރެވެން ހުރިހާ މަސައްކަތް ކުރި ކަމަށެވެ. ނަމަވެސް އަނިޔާއިން އަދިވެސް ސަލާމަތްނުވާ ކަމަށެވެ.
އެގޮތުން ބައުޓިސްޓާއާ ދެކޮޅަށް ހޯމަ ދުވަހު ކުޅޭ މެޗަކީ އޭނާގެ އެންމެ ފަހު މެޗަށްވުމަކީވެސް އެކަށީގެންވާ ކަމެއް ކަމަށް މުރޭ ވަނީ ބުނެފައެވެ.
މުރޭ ރިޓަޔާކުރާއިރު، އޭނާ ވަނީ ތިން ގްރޭންޑްސްލޭމް، ދެ އޮލިމްޕިކް ގޯލްޑް މެޑަލް އަދި 45 އޭޓީޕީ ކެރިޔާ ޓައިޓަލްސް ހޯދާފައެވެ.
މުރޭ ރިޓަކުރާކަން އިއުލާންކުރުމާއެކު، ގިނަ ބަޔަކު އަންނަނީ ހިތާމަކުރަމުންނެވެ. އަދި އޭނާ އަދާކޮށްދިން ހިދުމަތަށް ގިނަ ބަޔަކު އަންނަނީ ޝުކުރު އަދާކުރަމުންނެވެ.
