ވިލިމާލޭގައި މީހުން ވަޅުލާން ފަށަނީ
ވިލިމާލޭގައި ވަޅުލުހުން ހުއްޓާލީ ޔާމީން ވެރިކަމުގައި
ވިލިމާލެ ސަހަރާ ސާފު ކުރަނީ
ވިލިމާލޭ ސަހަރާގައި ހުރި ހިނަވާގެ މަރާމާތު ކުރުމަށްފަހު އެ ސަހަރާގައި އަލުން މީހުން ވަޅުލަން ފަށާނެ ކަމަށް މާލޭ ސިޓީ ކައުންސިލުން ބުނެފިއެވެ.
ސިޓީ ކައުންސިލުން ކުރި ޓުވީޓެއްގައިބުނެފައިވަނީ ވިލިމާލޭ ސަހަރާގައި ދެ އަހަރާ ބައިވަންދެން މީހުން ވަޅުލުން ހުއްޓާލާފައި އޮތުމަށްފަހު މާލޭ ސިޓީ ކައުންސިލުގެ އެއްބާރުލުމާ އެކު ވިލިނގިލީ ހެޔޮއެދޭ ފަރާތްތަކުން ސަހަރާ ސާފުކޮށްފައިވާ ކަމަށާއި ހިނަވާގެ މަރާމާތު ކުރުމަށް ފަހު އެ ސަހަރާގައި އަލުން މީހުން ވަޅުލަން ފަށާނެ ކަމަށެވެ.
އެކަމާ ގުޅިގެން މާލޭ ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފް ވިދާޅުވީ ވިލިމާލޭ ސަހަރާގައި މީހުން ވަޅުލުން ހުއްޓާލާފައި ވަނީ ރައީސް ޔާމީންގެ ސަރުކާރުން ކަމަށެވެ. އަދި ވިދާޅުވީ ފެށޭ ހަފްތާގެ ތެރާގައި ސަހަރާގެ ހުރި މަރާމާތުތައް ކުރަން ފަށާނެ ކަމަށެވެ.
ވިލިމާލޭ ސަހަރާގައި މީހުން ވަޅުލުމުގެ މަސައްކަތް އަލުން ފަށަން ނިންމާފައިވާއިރު ސަރުކާރުން ވަނީ ސަހަރާތަކާއި މިސްކިތްތައް ބެލެހެއްޓުން މާލޭ ސިޓީ ކައުންސިލާ ހަވާލުކޮށްފައެވެ.
ސަމާއު ވިދާޅުވީ ގާނޫނަށް ގެނެވުނު ބަދަލާ އެކު ކޮންމެ ކައުންސިލަކަށް ވެސް ލިބިދީފައިވާ ބާރުގެ ދަށުން ރަށްތަކާއި އަތޮޅުތަކާ އަދި ސިޓީތަކުގެ ހުރިހާ ކަމެއް ބަލަހައްޓާނީ އެތަނެއްގައި އޮންނަ ކައުންސިލަކުން ކަމަށެވެ
