މާލޭގެ ބޮޑު ސަރަހައްދަކުން ކަރަންޓު ކެނޑިއްޖެ
9 ޖެނުއަރީ 2019 | ބުދަ 20:4845 ވަރަކަށް މިނެޓް ތެރޭގައި ކަރަންޓް ލިބޭނެ
ޙުސައިން ޙަސަން | 9 ޖެނުއަރީ 2019 | ބުދަ 20:48
ކަރަންޓް ކެނޑި އަނދިރީގައި
ވެރިރަށް މާލޭގެ ބޮޑު ސަރަހައްދަކުން ކަރަންޓް ކެނޑިއްޖެއެވެ.
ކަރަންޓް ގޮސްފައި ވަނީ މާފަންނާއި މައްޗަންގޮޅި އާއި ހެންވޭރުންނެވެ. މީގެ ކުރިން ވެސް މިރޭ ވަނީ ބައެއް ސަރަހައްދުތަކުން ކަރަންޓް ގޮސްފައެވެ.
ސްޓެލްކޯގެ މީޑިއާ އޮފިޝަލް އިބްރާހިމް ރައޫފު "ރާއްޖެއެމްވީ"އަށް ވިދާޅުވީ 45 ވަރަކަށް މިނެޓް ތެރޭގައި ކަރަންޓު ލިބޭނެ ކަމަށެވެ. ކަރަންޓް ކެނޑެން މެދުވެރިވީ ދިމާވި ޓެކްނިކަލް މައްސަލައަކާ ހުރެ، އިންޖީނެއް ނިވިގެން ކަމަށާއި އެކަން ހައްލުކޮށް ކަރަންޓް ދިނުމުގެ މަސައްކަތް ފަށާފައިވާ ކަމަށެވެ.
ދޮޅު ލައްކައަށް ވުރެ ގިނަ މީހުން ދިރިއުޅޭ ވެރިރަށް މާލެއިން ކަރަންޓް ކެނޑުމަކީ އާންމުކަމެކެވެ.
