މީޑިއާނެޓުގެ އެމްކެއާ ލޯންޗު ކޮށްފި

މީޑިއާ ނެޓްގެ ކަސްޓަމަރުންނަށް ހާއްސަކޮށްގެން، އެމްކެއާ ލޯންޗު ކޮށްފިއެވެ.

އާދިއްތަ ދުވަހު ލޯންޗު ކޮށްފައިވާ އެމްކެއާއަކީ އެ ކުންފުނީގެ ލޯޔަލްޓީ ޕޮރްގްރާމްގެ ފުރަތަމަ ފޭސް ކަމަށް މީޑިއާ ނެޓުން މައުލޫމާދެއެވެ.

އެމްކެއާއި ބެހޭ ގޮތުން "ރާއްޖެއެމްވި"އަށް މައުލޫމާތު ދެމުން މީޑިއާނެޓުގެ ޕަބްލިކް ރިލޭޝަން އެސިސްޓެންޓް މެނޭޖަރ ޝިއުނާ ވިދާޅުވީ އެމްކެއާގެ ދަށުން ކަސްޓަމަރުންނަށް ފައިދާތަކެއް ލިބިގެން ދާނެ ކަމަށެވެ.

އެގޮތުން ކަސްޓަމަރުންނަށް މީޑީއާނެޓުގެ ޑީކޯޑަރަށް އެކްސްޓެންޑެޑް ވޮރެންޓީއެއް ލިބިގެންދާނެ ކަމަށާއި ހިދުމަތް ލިބޭނީ ހަމައެކަނި ހުރިހާ ޗެނަލަކަށް ސަބްސްކްރައިބް ކޮށްފައިވާ ކަސްޓަމަރުންނަށް ކަމަށެވެ.

"ހަ މަސް ދުވަހު ވޯންޓް އިން އޯލް އަށް މެދު ނުކެނޑި ސަބްސްކްރައިބް ކުރައްވާފައި ތިބި ބޭފުޅުންނަށް އެމްކެއާގެ ހިދުމަތް ލިބިގެންދާނީ . އެމް ކެއާގެ ދަށުން ޑިކޯޑަރަށް ދެއަހަރު ދުވަހުގެ އެކްސްޓެންޑަޑް ވޮރަންޓީ ލބިގެންދާނެ،" ޝިއުނާ ބުންޏެވެ.

މީޑިއާނެޓުގެ ކަސްޓަމަރުންނަކީ ގިނަ ދުވަސްތަކެއް ވަންދެން އެ ކުންފުންޏާއި އެއްކޮށް ތިބި ބައެއް ކަން ފާހަގަ ކޮށް ޝިއުނާ ބުނީ، އެމްކެއާ އަށް އިތުރު ބެނިފިޓްސްތަކެއް އިތުރުކޮށް ކަސްޓަމަރުންނަށް އިތުރު ކަންތައްތަކެއް ކޮށްދިނުމަކީ މީޑިއާ ނެޓުގެ އެންމެ މުހިއްމު އެއްކަން ކަމަށެވެ.