މީކާ ސިންގް ހައްޔުރުކުރުމަށް ފަހު ދޫކޮށްލައިފި

އިންޑިއާގެ މަޝްހޫރު ލަވަކިޔުންތެރިޔާ މީކާ ސިންގް ދުބާއިން ހައްޔަރު ކުރުމަށްފަހު ދޫކޮށްލައިފިއެވެ.

އަންހެނަކަށް ފޮޓޯތަކެއް ފޮނުވި ކަމުގެ ތުހުމަތުގައި ދުބާއީގައި ހައްޔަރު ކުރުވެނު މިކާ ދޫކޮށްލާފައިވަނީ ބުރާސްފަތި ދުވަހުގެރޭ ދަންވަރުގެ ވަގުތެއްގައިއެވެ. މީކާ ދޫކޮށްލިޔަސް އޭނާ ކޯޓަށް ހާޒިރުވާން ދުބާއީ ފުލުހުން ވަނި އަންގާފައިއެވެ.

ދުބާއީގައި ޝޯއެއް ހުށައަޅަން ގޮސްހުރި މީކާ ހައްޔަރު ކޮށްފައިވަނީ ބުރު ދުބާއީގައި ހުއްޓާ ބުރާސްފައި ދުވަހުގެ ރޭގަޑުގެ ވަގުތެއްގައިއެވެ. އިންޑިއާގެ ނޫސްތަކުން ރިޕޯޓްކުރާ ގޮތުގައި މީކާ ހައްޔަރު ކޮށްފައިވަނީ ދުބާއިގައި ދިރިއުޅޭ އުމުރުން 17 އަހަރުގެ އަންހެން ކުއްޖަކަށް ބަރަހަނާ ފޮޓޯތަކެއް ފޮނުވި ކަމުގެ ތުހުމަތުގައި އެ އަންހެން ކުއްޖާ ދުބާއި ފުލުހުންނަށް ހުށައެޅި މައްސަލައަކާއި ގުޅިގެންނެވެ. އެ އަންހެން ކުއްޖާ އާއި ހަވަލާދީ ދުބާއީ ނޫސްތަކުން ރިޕޯޓް ކުރާ ގޮތުގައި މީކާ ވަނީ ފޮޓޯތައް ފޮނުވުމަށް ފަހު ބޮލީވުޑް ފިލްމަކުން ފުރުސަތު ދޭނެކަމަށް ވެސް ބުނެފައިއެވެ.

މީކާއަށް ވަނީ އެތަކެއް ފަހަރު މަތިން އަންހެނުނަށް ޖިންސީ ގޯނާކުރިކަމުގެ ތުހުމަތުތަށް ކުރެވިފައިއެވެ. ނަމަވެސް މިހާތަނަށް އެއްވެސް ތުހުމަތެއް އޭނާއާއި ދެކޮޅަށް ސާބިތުވެފައިއެއް ނުވެއެވެ. އެގޮތުން 2016 ވަނަ އަހަރު އިންޑިއާގެ ފެޝަން ޑިޒައިނަރެއްގެ ގެއަށް ވަދެ ގަދަކަމުން ޖިންސީ ގުޅުން ހިންގަން އުޅުނު ކަމުގެ ތުހުމަތުގައި އެ އަންހެން މީހާ ވަނީ މީކާއާ ދެކޮޅަށް ފުލުހުންނަށް މައްސަލަ ހުށައަޅާފައިއެވެ.

މީގެ އިތުރުން 2006 ވަނަ އަހަރު މީކާގެ އުފަންދުވަހު ބޮލީވުޑްގެ ތަރި ރާކީ ސާވަންތު އާއި ގަދަކަމުން ޖިންސީ ގޯނާ ކުރިކަމުގެ ތުހުމަތުގައި ރާކީ ވަނީ މީކާއާއި ދެކޮޅަށް ކޯޓުގައި ދައުވާކޮށްފައި އެވެ.

މީކާ ސިންގް އެންމެ ފަހުން ފިލްމަކަށް ލަވައެއް ކިޔާފައިވަނީ ރޯހިތް ޝެޓީގެ ފިލްމު ސިމްބާއަށެވެ.