ލިވަޕޫލް މެޗް ބޯމަތިވެފައި އޮއްވާ ނޭމާއާއި އެމްބާޕޭ އަށް އަނިޔާވެއްޖެ

ޔޫއެފާ ޗެމްޕިއަންސް ލީގުގައި ލިވަޕޫލް އާއި ޕީއެސްޖީ ބައްދަލު ކުރާ މެޗް ބޯމަތިވެފައި އޮއްވާ ޕީއެސްޖީގެ ނޭމާ އަދި ކީލިއަން އެމްބާޕޭ އަށް އަނިޔާ ވެއްޖެއެވެ.

މި ދެކުޅުންތެރިންގެ ތެރެއިން ނޭމާއަށް އަނިޔާވެފައި ވަނީ ބުދަ ދުވަހު ބްރެޒިލް އާއި ކެމެރޫން ބައްދަލުކުރި އެކުވެރިކަމުގެ މެޗްގައެވެ. އެ މެޗްގެ ހަވަނަ މިނިޓްގައި ނޭމާގެ ފައިގެ ފަލަމަސްގަނޑަށް ވަނީ އަނިޔާވެފައެވެ.

ނޭމާއަށް ލިބުނު އަނިޔާއާ ބެހޭގޮތުން ވާހަކަ ދައްކަމުން ބްރެޒިލް ޓީމުގެ ޑޮކްޓަރު ރޮޑްރިގޯ ލަސްމާ ބުނެފައިވަނީ ނޭމާއަށް ލިބުނީ ކިހާވަރެއްގެ އަނިޔާ އެއްކަން އެގެނީ ސްކޭނެއް ހެދުމުން ކަމަށާއި، ނަމަވެސް އެއީ އެހާ ބޮޑު އަނިޔާއެއް ކަމަށް ލަފާނުކުރެވޭ ކަމަށެވެ.

މިމެޗްގައި ހަމައެކަނި ފެނިގެންދިޔަ ގޯލް ޖޭހީ ނޭމާއަށް އަނިޔާ ލިބުމާއި ގުޅިގެން އޭނާގެ ބަދަލުގައި ކުޅެން އެރި ރިޗާލިސަން އެވެ.

މި ލަނޑު އޭނާ ކާމިޔާބުކުރީ މީގެ އިތުރުން ފްރާންސްގެ ޒުވާން ކުޅުންތެރިޔާ ކީލިއަން އެމްބާޕޭގެ ކޮނޑު ހުޅަށް އަނިޔާވީ އަންގާރަ ދުވަހުގެ ރޭ ފްރާންސް އާއި އުރުގުއޭ ބައްދަލުކުރި މެޗުގައެވެ. އެ މެޗުގައި އެމްބާޕޭ އަށް އަނިޔާވީ ކީޕަރު މާޓިން ކަމްޕަނާއި މުޑިއަރައިގެންނެވެ.

އެމްބާޕޭގެ އަނިޔާ ބެހޭގޮތުން ފްރާންސްގެ ކޯޗު ޑިޑިއޭ ޑިޝޯމްޕްސް ބުނީ، އެމްބާޕޭގެ ކޮނޑުހުޅާށް ތަދުވެފައިވާކަމަށާއި ބުދަދުވަހު އިތުރު ޓެސްޓް ތަކެއް ހަދާނެކަމަށެވެ.

އުރުގެއޭއާ ދެކޮޅަށް ކުޅުނު މެޗް ފުރާންސުން ކާމިޔާބުކުރީ 1-0 ގެ ނަތިއްޖާ އަކުންނެވެ. ޕީއެސްޖީގެ މެޗެއް ދެން އޮންނާނީ ހޮނިހިރު ދުވަހު އެވެ. ރާއްޖެ ގަޑިން ނުވައެއްޖަހާއިރު ޕީއެސްޖީ ކުޅެނީ ތުލޫސްއާ ދެކޮޅަށެވެ.

ޔޫއެފާ ޗެމްޕިއަންސް ލީގުގައި ޕީއެސްޖީ އިން ލިވަޕޫލާ ދެކޮޅަށް މި މަހު 28 ވަނަ ދުވަހު ނިކުންނައިރު އެޓީމު އޮތީ ފަސްޕޮއިންޓާއި އެއްކޮށް ގްރޫޕްސީގެ ތިންވަނާގައި އެވެ.

ލިވަޕޫލްގެ ދަނޑުގައި ޕީއެސްޖީ އެންމެ ފަހުން ބައްދަލުކުރި މެޗްގައި ލިވަޕޫލް މޮޅުވެފައިވަނީ 3-2 ގެ ނަތީއްޖާއަކުންނެވެ