އަހަންނަށް އަދި 25 އަހަރު، ކައިވެނިކުރަން އަދި މާ އަވަސް: އާލިއާ
21 ނޮވެމްބަރު 2018 | ބުދަ 01:52އަންނަ އަހަރު ތެރޭގައި އާލިއާ ކައިވެނި ކުރާނެކަމަށް ރިޕޯޓްތައް ބުނޭ
އާލިއާ އާއި ރަންބީރު
އާލިއާ ބަޓް އަދި ރަންބީރު ކަޕޫރު ރައްޓެހިވެގެން އުޅޭތާ ދުވަސްކޮޅެއް ވަނީ ވެފައެވެ. އޭނާގެ އެންމެ ފަހުގެ ފިލްމު ރާޒީގެ ކާމިޔާބީއާއި އެކު މިހާރު ޝޫޓްކުރަމުންދަނީ ބޮލީވުޑްގެ ފިލްމު ކަލަންކް އަދި ބްރަހްމަސްތްރާއެވެ.
އޭނާ ފިލްމު ކުޅެންފެށިތާ އަދި ވީ ހަވަރަކަށް އަހަރެވެ. އެ ހަ އަހަރު ދުވަހުގެ ތެރޭގައި އޭނާ ކުޅެފައިވާ ފިލްމުތައް މަގުބޫލެވެ. އިންސްޓަރގްރާމުގައި 25 މިލިއަން ފޮލޯވަރުން މިވަގުތު ތިބި އާލިއާ ވަނީ އިންސްޓަރގްރާމުގައި އޭނާގެ ފޭނުންގެ ބައެއް ސުވާލުތަކަށް ޖަވާބު ދީފައެވެ. އާލިއާ ކައިރިން އޭނާ ކައިވެނިކުރާނީ ކޮން ދުވަހަކުންތޯ ކުރި ސުވާލަކަށް ޖަވާބު ދެމުން އޭނާ ބުނީ ކައިވެނި ކުރަން އަދި މާ އަވަސްކަމަށާއި އޭނާއަށް އަދިވީ 25 އަހަރުކަމަށެވެ.
އާލިއާ އޭނާ ކައިވެނިކުރަން އަވަސްކަމަށް ބުނި ކަމުގައިވިއަސް މީޑިއާތަކުން ރިޕޯޓްކޮށްފައިވާ ގޮތުގައި އޭނާއާއި ރަންބީރު އަންނަ އަހަރު ތެރޭގައި ކައިވެނި ކުރާނެއެވެ.
އެދެމީހުންގެ ގުޅުން ބަދަހިވެފައިވަނީ މިދިޔަ އަހަރުގެ މެއިމަހުގެ ތެރޭގައި ފިލްމެއްގެ ޝޫޓިންއަށް ބަލްގޭރިއާއަށް ގޮސް އުޅުމުގެ ތެރޭގައި ކަމަށް ކަމަށް މީގެ ކުރިން މީޑިއާގައި ވަނީ ރިޕޯޓް ކޮށްފައެވެ. އާލިއާ އަދި ރަންބީރު ވެސް ވަނީ އެދެމީހުން އުޅެނީ ލޯބީގެ ގޮތުން ގުޅިގެންކަމަށް އެއްބަސް ވެސް ވެފައެވެ.
