މިފްކޯއާއިގެން އުޅޭނެ ކަމެއް ނެތް، އުޅެންވީ މަސްވެރިންނާއިގެން: އާދިލް
8 ނޮވެމްބަރު 2018 | ބުރާސްފަތި 23:30އިބްރާހިމް މުހައްމަދު ސޯލިހުގެ ވެރިކަމުގައި ދިވެހި މަސްވެރިކަން ދެން އަރާނީ މާއުހަށްކަމަށް ވިދާޅުވި
މިފްކޯގެ ކުރީގެ މެނޭޖިންގ ޑިރެކްޓަރ އާދިލް ސަލީމް
ސަރުކާރުގެ މަސް ކުންފުނި މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އާއިގެން އުޅޭނެކަމެއް ނެތް ކަމަށާއި، އުޅެންވީ މަސްވެރިންނާއިގެން ކަމަށް މިފްކޯގެ ކުރީގެ މެނޭޖިންގ ޑިރެކްޓަރު އަދި ރައީސް މުހައްމަދު ނަޝީދުގެ ސަރުކާރުގައި ޓްރާންސްޕޯޓް މިނިސްޓަރުކަންވެސް ކުރައްވާފައިވާ އާދިލް ސަލީމް ވިދާޅުވެއްޖެއެވެ.
ބުރާސްފަތި ދުވަހުގެރޭ ރާއްޖެޓީވީގެ ފަލަސުރުޚީ ޕްރޮގްރާމްގައި ވާހަކަ ދައްކަވަމުން އާދިލް ވިދާޅުވީ މަސްވެރިން ބާނާ މަސް ކިރުވައި ވަގުތުން ފައިސާވެސް ލިބޭނެ އިންތިޒާމެއް އާ ވެރިކަމުގައި ހަމަޖެހިގެންދާނެކަމަށެވެ.
ދިވެހި މަސްވެރިޔާގެ ދޯނީގައި މަސް ފުރިހަމައަށް ރައްކާ ކުރެވޭނެ އިންތިޒާމް ހަމަޖެއްސޭނެ ގޮތް ހެދޭނެ ގޮތެއް އެއީ މަސްވެރިންނަށް މިވަގުތުން މިވަގުތައްވެސް ވަރަށް މުހިއްމު ކަމެއްކަމަށާއި، މަސްވެރިކަން ޕްރައިވްޓް ސެކްޓަރގެ ތެރެއިން ކުރިއެރުވޭނެ ކަމަށެވެ.
އާ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ދިވެހި މަސްވެރިކަން ދެން އަރާނީ މާ އުހަށްކަމަށާއި މަސްވެރިން ބާނާ މަހަށް ހަމަ އަގު ރައީސް ސޯލިޙްގެ ވެރިކަމުގައި ހޯދައި ދެއްވާނެކަމަށް އާދިލް ވިދާޅުވިއެވެ.
ދިވެހި މަސްރިޔާ އާއިލާއާއި އެކު ހިންދެމިލާތަން ދެކެން ބޭނުންވާ ކަމަަށާއި، ކޯލިޝަންގެ މެނިފެސްޓޯގައި މަސްވެރިންނަށް ކަންކަން ބައްޓަން ކުރެވިފައި ހުންނާނީ އެގޮތަށްކަމަށް އޭނާ ވިދާޅުވިއެވެ.
އޭނާ ވިދާޅުވީ، މަސްވަރިކަން ކުރިއެރުވިދާނެ މީހުން މިހާރުވެސް ފިޝަރީޒް މިނިސްޓްރީގައި އެބަތިބި ކަމަށާއި މިނިސްޓަރ ޑރ. މުހައްމަދު ޝައިނީ އަކީވެސް ވަރަށް ގާބިލު ބޭފުޅެއް ކަމަށެެވެ. އަދި އެ މިނިސްޓްރީގައިވެސް އާ ވެރިކަމުގައިވެސް ބޭނުން ކުރެވިދާނެ ވަރަށް ފުންނާބު އުސް ފަންނީ ބޭފުޅުން މިހާރުވެސް އެބަ ތިއްބެވިކަމަށެވެ.
