ބާޒާރު ބެލުމަށް ކަރީނާ އާއި ސައިފް އެކުގައި

މިދިޔަ ހުކުރު ދުވަހު ރިލީޒްކުރި ސައިފް އަލީ ޚާންގެ ފިލްމް "ބާޒާރު"ގެ ޚާއްސަ ސްކްރީނިން އަށް ސައިފް އާއި އެކު އޭނާގެ އަންހެނުން ކަރީނާ ކަޕޫރު ގޮސްފިއެވެ.

ފިލްމް ބެލުމަށް ކަރީނާ ދިއުމުން އެންމެންގެ ސަމާލުކަން ހުއްޓިފައި ވަނީ އޭނާ އަށެވެ.

އެ ފިލްމް ބަލަން ދިޔައިރު ކަރީނާ ލާފައި ވަނީ ހުދު ކުލައިގެ ޖިންސަކާއި ކަޅު ކުލައިގެ ޓޮޕެކެވެ. ދެމީހުން އެކުގައި ދިޔަ ނަމަވެސް ކަރީނާ ފެނުމުން ސައިފް އަށް މީޑިއާގެ މާބޮޑު ސަމާލުކަމެއް ލިބިފަ އެއް ނުވެއެވެ.

މާލީ މައްސަލަތަކެއްގެ މައްޗަށް ތައްޔާރު ކޮށްފައިވާ މި ކްރައިމް ތްރީލާ ގައި ސައިފް އާއި ރާދިކާގެ އިތުރުން ދެން ފެނިގެން ދާނީ ރޯހަން މެހެރާ އާއި ޗިތްރަންގަޑާ ސިންގްއެވެ. އަދި މި ފިލްމަކީ މި ދެ ތަރިންގެ ފުރަތަމަ ފިލްމެވެ.