ޕެޓްރޯލްއާ، ޑީސެލްގެ އަގު އަނެއްކާ ވެސް ބޮޑުކޮށްފި
ޕެޓްރޯލު ލީޓަރެއް ވިއްކާނީ 11.39 ރުފިޔާއަށް
ޕެޓްރޯލް ޝެޑް: ތެލުގެ އަގު ވަނީ ބޮޑުކޮށްފައި
އެސްޓީއޯ އިން ވިއްކާ ޕެޓްރޯލާއި ޑީސަލްގެ އަގު އެނެއްކާ ވެސް ބޮޑުކޮށްފިއެވެ.
މިއީ މި އަހަރުގެ ތެރޭގައި ތެލުގެ އަގަށް އެސްޓީއޯ އިން ބަދަލު ގެނައި ހަވަނަ ފަހަރެވެ.
އެސްޓީއޯ އިން ބުނީ އެކުންފުނިން ވިއްކާ ޕެޓްރޯލާ ޑީސަލްގެ އަގުން 42 ލާރި އާއި 46 ލާރި ބޮޑުކޮށްފައިވާކަމަށެވެ. މިއަދުން ފެށިގެން ޕެޓްރޯލު ލީޓަރެއް ވިއްކާނީ 11.39 ރުފިޔާއަށްށެވެ. އަދި ޑީސަލް ލީޓަރެއް ވިއްކާނީ 12.09 ރުފިޔާ އަށެވެ.
އެސްޓީއޯ އިން ބުނި ގޮތުގައި ޕެޓްރޯލާއި ޑީސަލްގެ އަގު ބޮޑުކުރީ ދުނިޔޭގެ ބާޒާރުގައި ތެލުގެ އަގު ބޮޑުވުމުންނެވެ.
މިމަހުގެ ފުރަތަމަ ދުވަހުވެސް އެސްޓީއޯ އިން ވަނީ އެކުންފުނިން ވިއްކާ ޕެޓްރޯލާއި ޑީސަލްގެ އަގު 20 ލާރި ބޮޑުކޮށްފައެވެ.
މީގެ އިތުރުން މިދިޔަ މެއި މަހު ވެސް ޕެޓްރޯލުގެ އަގު ބޮޑުކޮށްފައެވެ. އެ ފަހަރު އަގު ބޮޑުކުރީ ލިޓަރަކުން 31 ލާރިއެވެ. އެހެންވެ، މޭ 7 އިން ފެށިގެން އާދީއްތަ ދުވަހުގެ ނިޔަލަށް ޕެޓްރޯލް ލިޓަރެއް ވިއްކީ 10.42 ރުފިޔާއަށެވެ.
ޑީސަލް ލިޓަރެއްގެ އަގު އެންމެ ފަހުން ބޮޑުކުރީ މިދިޔަ ޖޫން 7 ވަނަ ދުވަހުއެވެ. އޭރު ބޮޑުކުރީ ޑީސަލް ލިޓަރަކުން 10 ލާރިއެވެ. އެހެންވެ އާދީއްތަ ދުވަހުގެ ނިޔަލަށް ޑީސަލް ލިޓަރެއް ވިއްކަމުން އައީ 11.23 ލާރިއަށެވެ.
