އަޖައިބެއް ފަދަ ވާހަކައިގެ ވީޑީއޯއަށް ގިނަ ބައެއްގެ ޝައުގު ހުއްޓިއްޖެ!؟
15 އޮކްޓޯބަރު 2018 | ހޯމަ 14:29ވީޑީއޯއިން ފެންނަނީ ފާހަގައަކާ ގުޅޭ ގޮތުން މުއާ ދެއްކި ވާހަކައެއް
ރައީސް އޮފީހުގެ ތަރުޖަމާން މުއާ ދެއްކި ވާހަކައިގެ ވީޑިއޯގެ ސްކްރީންޝޮޓެއް
ވޯޓުގެ ފާހަގައާ ގުޅޭ ގޮތުން ރައީސް އޮފީހުގެ ތަރުޖަމާން އިބްރާހިމް މުއާޒު އަލީ (މުއާ) ޕީޕީއެމް މުޒާހަރާގައި ދެއްކި ވާހަކައާ ގުޅިގެން ރާއްޖެޓީވީން ޓްވިޓާ އާންމު ކުރި ވީޑިއޯއަށް އެތައް ބައެއްގެ ޝައުގުވެރިކަން ހުއްޓިއްޖެއެވެ.
ރާއްޖެޓީވީގެ ޓްވީޓާއިން އާންމު ކުރި ވީޑީއޯގައި މުއާޒު ވިދާޅުވަނީ ވޯޓު ކަރުދާގައި ރައީސް އަބްދުﷲ ޔާމީންގެ ކެންޑިޑޭޓް ނަމްބަރާ ދިމާލުގައި މީހަކު ޖެހި ފާހަގައެއް، އޭނާ ބަލައިގެން ހުއްޓާ، ކެންޑިޑޭޓް ނަމްބަރު ދޭކަށް އެ ފާހަގަ ވެއްޓިގެން ދިޔަ ކަމަށެވެ.
މާތްﷲ ގަންދީ ހުވާކޮށް މުއާ ދެއްކި އެ ވާހަކަ ރާއްޖެޓީވީން އާންމު ކުރުމާއެކު އެ ވާހަކައާ ގުޅިގެން ގިނަ ބަޔަކު ސޯޝަލް މީޑީއާގައި މުއާއަށް ގެންދަނީ ސުވާލުތަކެއް އަމާޒު ކުރަމުންނެވެ. މުއާގެ ވާހަކައަކީ އަޖައިބެއްފަދަ ވާހަކައެއް ކަމަށާއި އެ މައްސަލަ ފާހަގަ ކުރެވުމުން ވޯޓުލި ދުވަހު އެކަން ފެންމަތި ނުކުރީ ކީއްވެތޯ ސޯޝަލް މީޑިއާގައި މީހުން ދަނީ ސުވާލު ކުރަމުންނެވެ.
