މިދިޔަ ހުކުރު ދުވަހު ރިލީޒް ކުރި ކާޖޮލްގެ ފިލްމް "ހެލިކޮޕްޓަރ އީލާ" ގެ ފެށުން އެހާ ރަނގަޅު ނޫން ކަމަށް ޚަބަރުތައް ބުނެފިއެވެ.
މި ފިލްމު ރިލީޒް ކުރި ދުވަހު ފިލްމަށް ބޮކްސް އޮފީހުގައި އާމްދަނީގެ ގޮތުގައި ލިބިފައި ވަނީ 75 ލައްކަ އެވެ.
ޕްރަދީޕް ސަރުކާރު ޑައިރެކްޓްކޮށް ކާޖޮލްގެ ފިރިމީހާ ކޯ ޕްރޮޑިއުސް ކޮށްފައިވާ "އީލާ" ގައި ކާޖޮލް ފެންނާނީ ލަވަ ކިޔުންތެރިއެއްގެ ރޯލުންނެވެ. މިފިލްމަކީ އެކަނިވެރި މައެއްގެ ދިރިއުޅުން ދައްކުވައި ދޭ ފިލްމެކެވެ.
މި ފިލްމުގައި މަޖުބޫރުން ކުރާ ކައިވެންޏަށް ދަރިއަކު ލިބި އެ ކައިވެނި ރޫޅެއެވެ. އަދި އެ ކަނިވެރި މައެއްގެ ގޮތުގައި ދަރިފުޅު ބޮޑުކުރުމަށް ކާޖޮލް މަސައްކަތް ފަށައެވެ. އަދި އޭނާއަށް ލިބިފައިވާ ލަވަކިޔުމުގެ ހުނަރު ތަރައްގީކޮށް ހުވަފެން ކާމިޔާބު ކުރުމަށް މަސައްކަތް ކުރެއެވެ.
އީލާ އަކީ ގުޖްރާތީ ޕްލޭ އެއް ކަމަށްވާ "ބެޓާ، ކާގްދޯ" އަސްލަކަށް ބަލައިގެން އުފެއްދި ފިލްމެކެވެ.
