ހައުސިން މިނިސްޓްރީގެ ވަކިވަކި މުވައްޒިފުންނާއި މަގުމަތިން ދިމާކޮށް، ބިރު ދައްކަމުން އަންނަ ކަމަށް ހައުސިން މިނިސްޓަރ ޑރ. މުހައްމަދު މުއިއްޒް ވިދާޅުވެއްޖެ އެވެ.
ހައުސިން މިނިސްޓަރ ޑރ. މުއިއްޒު އެ މިނިސްޓްރީގެ ވަކިވަކި މުވައްޒިފުންނާއި މަގުމަތިން ދިމާކޮށް ބިރު ދައްކަމުން އަންނަކަމަށެވެ. އެ މުވައްޒިފުން ނަފްސާނީ ބިރުވެރިކަމެއްގެ ތެރެއަށް ގޮސްފައިިވާކަމަށާއި އެފަދަ އަމަލު ހިންގާ ފަރާތްތައް ހަރުކަށި އިބާރާތުން ކުށްވެރިކުރާ ކަމަށް އޭނާ ވިދާޅުވި އެވެ.
@HousingGovMv ge vakivaki muazzafunnaai magu mathin dhimaakoh biru dhakkaa nafsaanee gothun biruveri kamehge thereyah e muazzafun gengosfaivaathee mi naathahuzeeb amalu hingaa faraaithah harukashi ibaaraathun kuvverikuran.
— Dr.Mohamed Muizzu (@MMuizzu) October 12, 2018
ހައުސިން މިނިސްޓްރީގެ މުވައްޒިފުންނަށް ބިރު ދައްކަމުން އަންނަ ކަމަށް މިނިސްޓަރު މުއިއްޒު ވިދާޅުވިއިރު، މިނިސްޓަރު މުއިއްޒު އިސްކޮށް ހުންނަވައި ބޯހިޔާވެހިކަމުގެ ފްލެޓްތަކާއި، ހުޅުމާލޭގެ ބިންތައް މިނިސްޓްރީގެ މުވައްޒިފުންނަށް އަންގައިގެން ނުއަގުގައި ވިއްކަމުންދާތީ ރައްޔިތުން އަންނަނީ ކަންބޮޑުވުން ފާޅުކުރަމުންނެވެ. ހައުސިން މިނިސްޓްރީގެ މުވައްޒިފުންވެސް ވަނީ ބޯހިޔާވެހިކަމުގެ ފްލެޓްތަކާއި، ބިންތައް ވިއްކަމުންދަނީ ބޭއިންސާފުންކަމަށް ހާމަކޮށްފަ އެވެ.
އޭގެއިތުރުން ހައުސިން ޑިވޮލޮޕްމެންޓް ކޯޕަރޭޝަން (އެޗްޑީސީ) ގެ މުވައްޒިފުންވެސް ވަނީ ހުޅުމާލެއިން ބިން ވިއްކައިފިނަމަ އިޔާދަނުކުރެވޭވަރުގެ ގެއްލުންތަކެއް ލިބޭނެކަމަށް ބުނެ ޕެޓިޝަނެއްގައި ސޮއިކޮށްފަ އެވެ. އެޗްޑީސީގެ ފަންނަނީ ލަފައަށް އެއްވެސް ވަރަކަށް މުއިއްޒު ރިޔާއަތް ކުރައްވާފައެއް ނުވެ އެވެ.
