މި ހިނގާ ރައީސް އަބުދުﷲ ޔާމީންގެ ރިޔާސީ ފަސް އަހަރުގެ ހަޔާތުގައި ދިވެހިންގެ އުއްމީދުތައް ވެއްޔާއި މޮޑެވި ވިއްސި ވިހާލިވެގެން ހިގައްޖެކަމަށް ޖުމްހޫރީ ޕާޓީގެ ނައިބު ލީޑަރަރު އަބުދުﷲ އަމީން ވިދާޅުވެއްޖެއެވެ.
ފުވައްމުލަކުގައި ގުޅިފައިވާ ޕާޓީތަކުން ބާއްވަމުން ގެންދާ ޖަލްސާގައި ވަހަކަ ދައްކަވަމުން އަމީން ވިދާޅުވީ ކުރިއަށް އޮތް ދުވަސްތައް އޮތީ އުޖާލާކޮށް ކަމަށެވެ. އަދި އިބޫ ފައިސަލްގެ ވެރިކަމެއްގައި ދިވެހި ރައްޔިތުންނަށް އުފާވެރިކަމާއި ހިތްހަމަޖެހުން ގެނެސްދެއްވާނޭކަމަށެވެ.
މިވެރިކަމުގައި ސަލާންޖެހުމުގެ އާ ސަގާފަތެއް އުފެއްދިކަމަށާއި، އިންވެސްޓަރުންނަށް ގޯނާ ކުރުމުގެ ސަބަބުން މުޅި ވިޔަފާރިތައް ފުނޑުފުނޑުވެ، އިންވެސްޓަރުންގެ އިތުބާރުގެއްލި ތައުލީމީ ނިޒާމު ފުނޑުފުނޑުކޮށްލާ ސިޔާސީ ހަރަކާތް ހިންގުން ހުއްޓުވައި ސިޔާސީ ގޮތުން ގައުމު ވަޅުޖައްސާލާފައިވާތީ ރައީސް ޔާމީނަށް އިތުރު ދައުރެއް ދެވެން ނެތްކަމަށެވެ.
ރައީސް ޔާމީން ވޯޓުން ވައްކަން ކުރުމުގެ ފުރުސަތު ދެން ނުދޭނެކަމަށާއި އަންނަ އާދިއްތަ ދުވަހަކީ، ރައީސް އަބުދުﷲ ޔަމީންގެ ސިޔާސީ ހަޔާތް ނިމޭނެ ދުވަސް ކަމަށް އަމީން ވިދާޅުވިއެވެ.
