ބުދަ 02 ޑިސެންބަރު 2020
06 ދޮށަ
1442 ރަބީޢުލްއާޚިރު 16
ފަތިސް 04:40
އިރުއަރާ 05:56
މެންދުރު 11:59
އަސްރު 15:20
އިރުއޮއްސޭ 17:54
އިޝާ 19:11
ރިޔާސީ އިންތިހާބު 2018

ހިރިލަންދޫގެ ބިން ބޮޑުކުރުމުގެ މަސައްކަތް ފަށާނަން: ފައިސަލް

  • ހިރިލަންދޫގެ ސުކޫލަށް ދިމާވެފައިވާ އިމާރާތުގެ މައްސަލަ ހައްލުކޮށްދޭނަން
  • ފައިސަލް ހިރިލަންދޫއަށް ވަޑައިގަތުމުން ހޫނު މަރުޙަބާއެއް ދަންނަވާފައިވޭ
  • ފައިސަލް އެެދެނީ ބަދަލަށް ވޯޓް ދިނުމަށް

ކ. މާލެ | 10 ސެޕްޓެންބަރ 2018 | ހޯމަ 13:32 | 3,392

ހިރިލަންދޫގެ ރައްޔިތުންނާއި ފައިސަލް ބައްދަލުކުރައްވަނީ - ރާއްޖެ އެމްވީ

ގުޅިފައިވާ ސިޔާސީ ޕާޓީތަކުގެ ވެރިކަމެއްގައި ހިރިލަންދޫގެ ރައްޔިތުންނަން ދިމާވެފައިވާ ބިމުގެ މައްސަލަ ހައްލުކޮށްދޭނެ ކަމަށް ކޯލިޝަން ކެންޑިޑޭޓްގެ ރަނިންގ މޭޓް ފައިސަލް ނަސީމް ވިދާޅުވެއްޖެއެވެ.

ގުޅިފައިވާ ސިޔާސީ ޕާޓީތަކުގެ ފަރާތުން ތ. އަތޮޅަށް ކުރައްވާ ތިން ދުވަހުގެ ކެމްޕެއިން ދަތުރުފުޅުގެ ތެރެއިން އެ އަތޮޅު ހިރިލަންދޫގެ ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުން ފައިސަލް ވިދާޅުވީ މަސައްކަތްތެރި ރައްޔިތުންންތަކެއް ދިރިއުޅޭ ހިރިލަންދޫއަށް ދިމާވެފައިވާ ބިމުގެ މައްސަލަ ހައްލުކޮށްދެއްވާނެ ކަމަށެވެ. ހިރިލަންދޫގައި ސިނާއީ މަސައްކަތް ކުރުމަށާއި ރައްޔިތުންނަން ގޯތި ދޫކުރުމަށް އެރަށުގެ ބިން ބޮޑުކުރުމުގެ މަސައްކަތް ގުޅިފައިވާ ޕާޓީތަކުގެ ވެރިކަމުގައި ފަށާނެ ކަމަށް ފައިސަލް ވިދާޅުވިއެވެ.

"ހިރިލަންދޫގެ ރައްޔިތުންނަން މިއަދު ދޭން އޮތް އަނެން އުފާވެރި ހަބަރަކީ، އަޅުގަނޑުމެންގެ ސަރުކާރެއްގައި މި ރަށަށް ބިމުގެ ގޮތުން ދިމާވެފައިވާ ދަތިކަންތައްތައް އަޅުގަނޑުމެން ހައްލުކޮށްދޭނަމޭ،" ފައިސަލް ވިދާޅުވިއެވެ.

ހިރިލަންދޫގެ ރައްޔިތުންނާއި ފައިސަލް ބައްދަލުކުރައްވަނީ

މީގެ އިތުރުން ފައިސަލް ވިދާޅުވީ ގައުމު ތަރައްގީ ކުރެވޭނީ މިއަދުގެ ޒުވާން ޖީލަށް ރަނގަޅު ތައުލީމެއް ދީގެން ކަމަށެވެ. މިއަދު ހިރިލަންދޫގެ ސުކޫލުން ތައުލީމް ހާސިލްކުރާ ދަރިވަރުންނަން ދަތިތަކާ ކުރިމަތިލާން ޖެހިފައިވާކަން ފާހަގަކުރައްވައި ފައިސަލް ވިދާޅުވީ އެރަށުގެ ސްކޫލަށް ދިމާވެފައިވާ އިމާރާތުގެ ދަތިކަން ހައްލުކޮށްދެއްވާނެ ކަމަށެވެ.

ތ. އަތޮޅުގެ 13 ރަށަކަށް ފައިސަލް ކުރައްވާ ތިން ދުވަހުގެ ދަތުރުފުޅުގެ ތެރެއިން، ހިރިލަންދޫއަށް ވަޑައިގަތުމުން އެރަށުގެ ރައްޔިތުން ވަނީ ހޫނު މަރުހަބާއެއް ދަންނަވާފައެވެ.

 

އެންމެ ފަހުން އަޕްޑޭޓް ކުރީ: 8 މަސް ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.