ދިރާގު ބްރޯޑްބޭންޑް ފެއަޔޫސޭޖް ހަމަވުމުންދޭ ސްޕީޑް މަތިކޮށްފި
މި ބަދަލު ގެނެސްފައިވަނީ މި މަހުގެ ފުރަތަމަ ދުވަހުން ފެށިގެން
ދިރާގު މައި އޮފީސް
ދިވެހިރާއްޖޭގެ ގުޅުން، ދިރާގު ފައިބަރ ބްރޯޑްބޭން އިންޓަނެޓް ޕެކޭޖްތަކަށްދޭ ޕެކޭޖްތަކުގެ ފެއާ ޔޫސޭޖް އެލަވަންސް ހަމަވުމުން ދޭ ސްޕީޑް އަނެއްކާވެސް 1 އެމްބީޕީއެސްއަށް ބޮޑުކޮށްފިއެވެ.
ދިރާގުން ބުނީ މި ބަދަލު ގެނެސްފައިވަނީ މި މަހުގެ ފުރަތަމަ ދުވަހުން ފެށިގެން ކަމުގައެވެ. ދިރާގުން މި ބަދަލު ގެނެސްފައި މިވަނީ މީގެ ކުރިން ޕެކޭޕްތަކުގެ ފެއާ ޔޫސޭޖް އެލަވަންސް މަތިކޮށް ސްޕީޑަށް ކުރިން ބަދަލު ގެނައުމަށް ފަހުގައެވެ.
ދިރާގުން ބުނީ މިމަހުގެ އެއް ވަނަ ދުވަހުން ފެށިގެން ފައިބަރ ބްރޯޑްބޭންޑްގެ ހުރިހާ ޕެކޭޖެއްގެ ވެސް ފެއާ ޔޫސޭޖް އެލަވަންސް ހަމަވުމުންވެސް ސްޕީޑް 1 އެމްބީޕީއެސްގައި ލިބޭނެ ކަމުގައެވެ. ދިރާގު ފައިބަރ ބްރޯޑްބޭންޑް އެންމެ ކުޑަ ޕެކޭޖަކީ 350 ރުފިއާއަށް ދޭ ފައިބަރ 5އެމް އެވެ. އެ ޕެކޭޖަށް 30 ޖީބީގެ ފެއާ ޔޫސޭޖް އެލަވަންސް ލިބެއެވެ. ދިރާގު ފައިބަރ ބްރޯޑްބޭންޑް އެންމެ ބޮޑު ޕެކޭޖަކީ 2090 ރުފިއާއަށް ދޭ ފައިބަރ 100އެމް އެވެ. އެ ޕެކޭޖަށް 500 ޖީބީގެ ފެއާ ޔޫސޭޖް އެލަވަންސް ލިބެއެވެ.
