މިއީ މުއްދަތު އިތުރު ކުރި ދެ ވަނަ ފަހަރު
ހިޔާ ފޯމު ހޯދަން ބަޔަކު ދަރުބާރުގޭގައި ކިއު ހަދާފައި
ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން އިއުލާންކޮށްފައިވާ، "ހިޔާ" މަޝްރޫއުގެ ދަށުން ފްލެޓްތަކަށް ފޯމް ހުށަހެޅުމުގެ މުއްދަތު އަންނަ މަހުގެ ނިޔަލަށް އިތުރުކޮށްފިއެވެ.
ހައުސިން މިނިސްޓްރީން ކުރިން ނިންމާފައި އޮތީ އަންނަ ބުރާސްފަތި ދުވަހުގެ ނިޔަލަށް ފޯމު ހުށަހެޅުމުގެ މުއްދަތު ބަންދު ކުރުމަށެވެ. މިއީ ހިޔާ މަޝްރޫއަށް ކުރިމަތިލުމުގެ މުއްދަތު އިތުރުކުރި ދެ ވަނަ ފަހަރެވެ.
ހައުސިން މިނިސްޓަރު ޑރ. މުހައްމަދު މުއިއްޒު ހޯމަ ދުވަހު ކުރެއްވި ޓްވީޓެއްގައި ވިދާޅުވެފައި ވަނީ ހިޔާ މަޝްރޫއުގެ ދަށުން ފޯމު ހުށަހެޅުމުގެ މުއްދަތު އަންނަ މަހުގެ 31ގެ ނިޔަލަށް އިތުރުކޮށްދީފައި ވަނީ އާންމުންގެ ގިނަ ބައެއްގެ އެދުމުގެ މަތިން ކަމަށާއި ފޯމު ހުށަހެޅުމުގެ ގިނަ ބަޔަކަށް ފުރުސަތު ދިނުމުގެ ގޮތުން ކަމަށެވެ.
ހިޔާ މަޝްރޫއުގެ ދަށުން 7،000 ފްލެޓް ދޫކުރުމަށް ސަރުކާރުން ވަނީ ނިންމާފައެވެ. މި އަހަރުގެ މެއި މަހުން ފެށިގެން ފްލެޓުތަކަށް އެދި 12 ކެޓަގަރީއަކުން ފޯމު ދޫކުރަން ހޯމް މިނިސްޓްރީން ވަނީ ފަށާފައެވެ. އެގޮތުން ސިވިލް ސާވިސް މުވައްޒަފުންނަށާއި 18-40 ދެމުދު ކައިވެނިކޮށްގެން އުޅޭ މީހުންނަށާއި މާލޭ ދަފްތަރުގައި ހިމެނޭ މީހުންނާއި ދަފްތަރުގައި ނުހިމެނޭ މީހުންނާއި ޑޮކްޓަރުންނާއި ނަރުހުންނަށް ވެސް ފްލެޓުތަކަށް ކުރިމަތިލުމުގެ ފުރުސަތު ވަނީ ހުޅުވާލާފައެވެ.
"ހިޔާ" މަޝްރޫއުގެ ދަށުން ދޫކުރާ ފްލެޓަށް އެދޭ ފޯމު ދޫކުރުމާއި ފޯމު ބަލައިގަތުން ކުރިއަށް ގެންދަނީ ހައުސިން މިނިސްޓްރީގައެވެ.
