ފައިސަލް ބައިވެރިވަޑައިގަންނަވާ ޖަލްސާއެއް މިރޭ ފުވައްމުލަކުގައި
21 އޯގަސްޓު 2018 | އަންގާރަ 09:26ގިނަ އަދަދެއްގެ ރައްޔިތުން ޖަލްސާގައި ބައިވެރިވުމަށް ވަނީ ގޮވާލާފަ
މިރޭގެ ޖަލްސާއަށް ފުވައްމުލަކު ވަނީ ތައްޔާރުވެފަ
ގުޅިފައިވާ ސިޔާސީ ޕާޓީތަކުގެ ފަރާތުން މި އިންތިހާބުގައި ވާދަކުރައްވާ އެމްޑީޕީގެ ކެންޑިޑޭޓް އިބްރާހިމް މުހައްމަދު ސޯލިހުގެ ރަނިންގމޭޓް ފައިސަލް ނަސީމް ބައިވެރިވަޑައިގަންނަވާ ޖަލްސާއެއް މިރޭ އެމަނިކުފާނުގެ އުފަން ރަށްކަމަށްވާ ފުވައްމުލަކުގައި ބާއްވާނެއެވެ.
ފުވައްމުލަކުގައި ސިޓީގެ އަށް އަވަށުގެ ރައްޔިތުންނަން ހާއްސަކޮށްގެން މިރޭ ހާއްސަ ޖަލްސާ ބާއްވަން ހަމަޖެހިފައި ވަނ ފުނާޑު އަވަށު ހަދުވަލި ދަނޑުގައެވެ. މި ޖަލްސާގައި ފުވައްމުލަކުގެ އަށް އަވަށުގައި ގުޅިފައިވާ ސިޔާސީ ޕާޓީގެ ކެމްޕެއިން ހަރަކާތްތަކުގައި އިސްކޮށް ހަރަކާތްތެރިވާ ފަރާތްތަކާއި އެކު އެ ސިޓީއަށް އުފަން އުމުރުން 45 އަހަރުގެ ފައިސަލް ބައިވެރިވަޑައިގަނަވާކަން ފާހަގަކޮށްލެއެވެ.
އީދު ބަންދަށް ފައިސަލް އާއިލާގެ މެމްބަރުންނާއި އެކު ފުވައްމުލަކަށް ވަޑައިގެންނެވުމުން އެ ސިޓީގެ ގިނަ އަދަދެއްގެ ރައްޔިތުން ވަނީ ނުކުމެ އެމަނިކުފާނަން މަރުޙަބާ ދަންނަވާފައެވެ. ފައިސަލް ގެންދަވަނީ ފުވައްމުލަކުގެ އަށް އަވަށުގައި ދޮރުން ދޮރަށް ކެމްޕެއިން ކުރިއަށް ގެންދަވަމުނެވެ.
