އިންތިހާބުގައި އޮންނާނީ އެއްބުރު، ކޮންމެ ވޯޓަކީ ނަޓިޖާ ބަދަލުވެދާނެ ވޯޓެއް: އިބޫ

ކުރިއަށް އޮތް ރިޔާސީ އިންތިހާބުގައި ދެ ބޭފުޅުން ކުރިމަތިލައްވާފިނަމަ އޮންނާނީ އެއްބަރު ކަމަށާއި، ކޮންމެ ވޯޓަކީ ނަތީޖާ ބަދަލުވެދާނެ ވޯޓެއް ކަމަށް ގުޅިފައިވާ ސިޔާސީ ޕާޓީތަކުގެ ފަރާތުން އިންތިހާބުގައި ވާދަކުރައްވާ އެމްޑީޕީގެ ކެނޑިޑޭޓް އިބްރާހިމް މުހައްމަދު ސޯލިހު (އިބޫ) ވިދާޅުވެއްޖެއެވެ.

ހުކުރު ދުވަހުގެރޭ މާލޭގައި ހުންނަ ނ. އަތޮޅުގެ ޖަގަހަ ހުޅުއްވާދެއްވުމަށް ފަހު ވާހަކަފުޅު ދައްކަވަމުން އިބޫ ވިދާޅުވީ މިހާތަނަން ލިބިފައިވާ މައުލޫމާތުތަކަށް ބަލާއިރު އިންތިހާބުގައި ވާދަކުރައްވަނީ ދެ ބޭފުޅުން ކަމަށެވެ. އެއީ އެމަނިކުފާނާއި މިހާރުގެ ރައީސް އަބްދުﷲ ޔާމީނުކަން ފާހަގަކުރައްވަމުން އިބޫ ވިދާޅުވީ ނަތީޖާ އަކީ ކުރިއަށް އޮތް ރިޔާސީ އިންތިހާބުގައި އޮންނާނީ އެއްބަރުކަމަށެވެ.

"ނަތީޖާ އަކީ ކުރިއަށް އޮތް ރިޔާސީ އިންތިހާބުގައި އޮންނާނީ އެއްބުރޭ، ދެވަނަ ބުރަކަށް ދެވަނަ ފުރުޝަތެއް ނެތް، އެހެންވީމާ ކުރިއަށް އޮތް ރިޔާސީ އިންތިހާބުގައި ކޮންމެ ވޯޓަކީ ފުރަތަމަ ބުރުގައިލާ ކޮންމެ ވޯޓަކީ، ނަތީޖާ ބަދަލުވެގެންދާފަދަ ވޯޓަކަށް ވެދާނެއޭ، އެހެންވީމާ ދެ ވަނަ ފުރުޝަތެއް ނެތް ކަން ހަދުމަފުޅު ކުރައްވާއިގެން ފުރަތަމަ ބުރުން ބޮޑުތަނުން ކާމިޔާބުކުރުމަށް ފަރުވާތެރިކަމާއި އެކު ނުކުންނުމަށް އަޅުގަނޑު ތި ހުރިހާ ބޭފުޅުންނަން އަޅުނޑު މިރޭ ދަންނަވަން" އިބޫ ވިދާޅުވިއެވެ.

މާލޭގައި ހުންނަ ނ އަތޮޅުގެ ޖަގަހަ އިބޫ ހުޅުއްވާދެެއްވަނީ

ވޯޓް ރީރަޖިސްޓްރީޝަން ކުރުމަށް އިލެކްޝަން ކޮމިޝަނުން ކަނޑައަޅާފައިވާ ވަގުތު ހޮނިހިރު ދުވަހުގެރޭ 12 ޖަހާއިރަށް އިލެކްޝަން ކޮމިޝަނުން އިތުރުކޮށްފައިވާ ވާކަމަށް އިބޫ ވިދާޅުވިއެވެ.

"ސަބަބެއްކަމަށް ވިދާޅުވީ ރަޖިސްޓްރީކުރަން އަންނަ މީހުންގެ ވާހަކަ، މިހާތަނަން އިނގިފައިވާ ގޮތުގައި 72000 މީހުން ރީރަޖިސްޓްރީކޮށްފި، ބޮޑު އަދަދެއް، އަޅުގަނޑު ހިތަށް ވެސް ނަރާ، އަޅުގަނޑުމެންގެ އަންދާޒާތަކުން ދެއްކީ 75000 ރަޖިސްޓްރީ ކުރާނެކަމަށް، އެހެންނަމަވެސް މިއަދުގެ މި މައުލޫމާތުން އިނގޭގޮތުގައި އަޅުގަނޑުމެންނަން މިހާރު މިފެންނަނީ 80000 ނުވަތަ 85000 އަށްވެސް އަރާގެންދާނެ" އިބޫ ވިދާޅުވިއެވެ.

މިހާތަންނަން ރީރަޖިސްޓްރީވެފައިވާ ކަމަށް މައުލޫމާތު ލިބޭ އަދަދަކީ ރަނގަޅު އަދަދުތޯ ވިސްނާލަން ޖެހޭކަމަށް އިބޫ ވިދާޅުވިއެވެ. އެހެންކަމުން ވޯޓް ރަޖިސްޓްރީކޮށްފައިވާ މީހުންނާއި ވޯޓް ރަޖިސްޓްރީ ނުކުރާ މީހުންވެސް ވޯޓްލުމަށް ހަމަޖެހިފައިވާ ފޮށި ޗެކްކުރުމަކީ މުހިންމުކަމެއް ކަމަށް އިބޫ ފާހަގަކުރެއްވިއެވެ.

ޖަގަހަ ހުޅުވުމުގެ ރަސްމިޔާތުގެ ތެރެއިން

"ކޮންމެ ބޭފުޅަކުވެސް، ރަޖިސްޓްރީނުކުރެއްވި ނަމަވެސް އެ ބޭފުޅަކު އެ ހުންނެވި ތަނަކަށް، ރަށަށްވޯޓުލާން ނުވަތަ މާލެއަށް ވޯޓުލާން ރަޖިސްޓްރީ ނުކުރެއްވިނަމަވެސް، ކޮންމެ ބޭފުޅަކުވެސް އެބަޖެހޭ ޗެކްކުރައްވަން، ތިމައްނަގެ ވޯޓު ފޮށީގައި، ތިމައްނަ ލާން ނިންމާފައިވާ ވޯޓް ފޮށީގައި ތިމަންނަގެ ނަން އެބަ އޮތްތޯ" އިބޫ ވިދާޅުވިއެވެ.

ޖަގަހަ ހުޅުވުމުގެ ރަސްމިޔާތުގައި ކެދިކުޅަދޫ ދާއިރާގެ ކުރީގެ މެމްބަރު އަހުމަދު އީޝަ ވެސް ވަނި އެ ސަރަހައްދަށް ޖާމާވެތިބި އާންމު ރައްޔިތުންނާއި ވާހަކަފުޅު ދައްކަވާފައެވެ.