ކުރިއަށް އޮތް ރިޔާސީ އިންތިހާބުގައި ވާދަ ކުރާ ކެންޑިޑޭޓުންނައި ރަނިން މޭޓުންނަށް އޮގަސްޓު މަހުގެ 18 ވަނަ ދުވަހުން ފެށިގެން ސެކިއުރިޓީ ހަމަޖައްސައި ދިނުމަށް އިލެކްޝަންސް ކޮމިޝަނުން އަންގައިފިއެވެ.
އިލެކްޝަންސް ކޮމިޝަނުން އާދިއްތަ ދުވަހު ކުރި ޓްވީޓެއްގައި ބުނީ، އޮގަސްޓު 18 އިން ފެށިގެން ކެނޑިޑޭޓުންނާއި ރަނިންގމޭޓުންނަށް ހިމާޔަތާއި ރައްކާތެރިކަން ދިނުމަށް އެމްއެންޑީއެފްގައި އެދިފައިވާނޭކަމަށެވެ. އެ ދުވަހަކީ ކެންޑިޑޭޓުންގެ ނަންތައް ތަރުތީބުކޮށް އިއުލާން ކުރާ ދުވަހެވެ.
Candidatunnai candidatunge naibunnah, riyaasee inthikhaabuge gaanoonugaivaa gothuge mathin, 18 August 2018 in feshigen salaamathaai rakkaatherikan foarukohdhinumuge inthizaam hama jassaa dhehvumah Ministry of Defence and National Security ah edhefi
— Elections Commission (@ElectionsMv) July 29, 2018
އޮގަސްޓު 18 އިން ފެށިގެން ކެންޑިޑޭޓުންނާއި ރަނިން މޭޓުންނަށް ސެކިއުރިޓީ ހަމަ ޖައްސަން އިލެކްޝަންސް ކޮމިޝަނުން އަންގާފައިވާ އިރު ރައީސް އަބްދުﷲ ޔާމީންގެ ރަނިންމޭޓު ޑރ.މުހައްމަދު ޝަހީމަށް މިހާރު ވެސް ދަނީ ސެކިއުރިޓީ ފޯރުކޮށްދެމުންނެވެ. ނަމަވެސް އިދިކޮޅު ކެންޑިޑޭޓު އިބްރާހީމް މުހައްމަދު ސޯލިހާއި ރަނިންމޭޓު ފައިސަލް ނަސީމަށް އަދި ސެކިއުރިޓީ ފޯރުކޮސްދޭން ފަށާފައެއް ނުވެއެވެ.
އިދިކޮޅު ފަރާތްތަކުން މިމަހުގެ 10 ވަނަ ދުވަހު ހުޅުމާލޭގައި ކެމްޕޭން ކުރަމުން ދަނިކޮށް ދެ ފަހަރެއްގެ މަތިން ކެމްޕޭނަށް ހުރަސް އަޅާ ކެންޑިޑޭޓު އިބޫއަށް ހަމަލާ ދޭން ބަޔަކު ވަނީ މަސައްކަތްކޮށްފައެވެ. ހޯމްމިނިސްޓަރު އަޒްލީން އެ މައްސަލަ ބައްލަވަން ފުލުހުންގެ ކިބައިން އެދިފައިވާނެކަމަށް ވިދާޅުވިނަމަވެސް މިހާތަނަށް އެ މައްސައިގައި ފުލުހުންވެސް އަދި އެހެން ފަރާތަކުންވެސް އެއްވެސް އެއްޗެއް ހާމަކޮށްފައެއް ނުވެއެވެ.
