އިހަވަންދޫ ދާއިރާގެ ރައްޔިތުންނާއި ފައިސަލް ބައްދަލުކުރައްވައިފި
މި ބައްދަލުވުމުގައި ގިނަ އަދަދެއްގެ ރައްޔިތުން ބައިވެރިކަން ފާހަގަކޮށްލެވޭ
އިހަވަންދޫ ދާއިރާގެ ރައްޔިތުންގެ ބައެއް ރައްޔިތުންނާއި ފައިސަލް ބައްދަލުކުރައްވަނީ
ގުޅިފައިވާ ސިޔާސީ ޕާޓީތަކުގެ ކެންޑިޑޭޓް އިބްރާހިމް މުހައްމަދު ސޯލިހު (އިބޫ)ގެ ރަނިންގ މޭޓް, ކާށިދޫ ދާއިރާގެ މަޖިލީސް މެމްބަރު ފައިސަލް ނަސީމް، މާލޭގައި ދިރިއުޅޭ އިހަވަންދޫ ދާއިރާގެ ރައްޔިތުންނާ ބައްދަލުކުރައްވާއިފިއެވެ.
އާދީއްތަ ދުވަހުގެ ރޭ މ. ކުނޫޒްގައި ކުރިއަށް ދިޔަ މި ބައްދަލުވުމުގައި މައިގަނޑު ގޮތެއްގައި މަޝްވަރާކޮށްފައި ވަނީ އިހަވަންދޫ ދާއިރާގެ ކެމްޕެއިން ހަރަކާތްތަށް ކުރިއަށް ގެންދާނެ ގޮތާ ގުޅޭ ގޮތުންނެވެ. އިހަވަންދޫ ދާއިރާގައި ކެމްޕެއިންގެ ހަރަކާތްތައް ވަރުގަދަކުރުމަށް ބޭއްވި މި ބައްދަލުވުމުގައި އެ ދާއިރާގެ ރައްޔިތުންގެ މަޖިލީހުގެ މެމްބަރު މުހައްމަދު އަބްދުﷲގެ އިތުރުން ޖުމްހޫރީ ޕާޓީގެ ކައުންސިލްގެ ބައެއް މެމްބަރުން ބައިވެރިވަޑައިގެންނެވިއެވެ.
މި ބައްދަލުވުމުގައި އިހަވަންދޫ ދާއިރާގެ ގިނަ އަދަދެއްގެ ރައްޔިތުން ބައިވެރިވި އެވެ. ރަނިންގ މޭޓް ކަމަށް ފައިސަލް ކަނޑައެޅި ފަހުން އެމަނިކުފާނު ދަނީ ކޮންމެ ދުވަހަކު ވެސް އެކި ދާއިރާތަކުގެ ރައްޔިތުންނާ ބައްދަލުކުރައްވަމުނެވެ.
