ކެޑްބަރީ ޗޮކްލެޓްގެ 'ލޯ ޝުގަރ' މާކެޓަށް ނެރެނީ
މި ޗޮކްލެޓްގައި ހަކުރު 30 އިންސައްތަ ދަށް ވާނެ
ކެޑްބަރީ ޗޮކްލެޓްގެ \'ލޯ ޝުގަރ\' މާކެޓަށް ނެރެނީ
މަޝްހޫރު ޗޮކްލެޓް ބްރޭންޑެއް ކަމަށްވާ ކެޑްބަރީ ޑެއިރީ މިލްކް ޗޮކްލެޓްގެ 'ލޯ ޝުގަރ' މާކެޓަށް ނެރެން އެ ކުންފުނިން ތައްޔާރުވެއްޖެއެވެ.
އެގޮތުން އެ ކުންފުނިން މާކެޓަށް މުޅިން އަލަށް ނެރުމަށް ނިންމާފައިވާ 'ލޯ ޝުގަރ' ޗޮކްލެޓްގެ ހަކުރު 30 އިންސައްތަ އަށް ދަށް ކުރުމަށް ވަނީ ނިންމާފައެވެ. އަދި މިއަންނަ އަހަރު އެ ޗޮކްލެޓް މާކެޓަށް ތައާރަފު ކުރެވިގެންދާނެ ކަމަށް އެ ކުންފުނިން ބުނެއެވެ.
މިއީ ދުނިޔޭގައި ފަލަވާ ބަލި ގިނަވުމުން އެކަން ދަށް ކުރުމަށްޓަކައި އެ ކުންފުނީގެ ފަރާތުން އަޅާ ފިޔަވަޅެއް ކަމަށް އެ ކުންފުނިން މައުލޫމާތުދެއެވެ.
އެ ކުންފުނިން އިތުރަށް ބުނީ 'ލޯ ޝުގަރ' ޗޮކްލެޓް އުފެއްދުމަށް ދެ އަހަރު ހޭދަވިއިރު 20 ސައިންޓިސްޓުންނާއި ނިއުޓްރިޝަނިސްޓުން ބޭނުންވި ކަމަށެވެ.
ކެޑްބަރީ ޗޮކްލެޓްގެ 'ލޯ ޝުގަރ' ވާޝަން މާކެޓަށް ނެރުނު ނަމަވެސް މިހާރު މާކެޓުގައި ހުރި ޗޮކްލެޓްތައް އެ ކުންފުނިން ވިއްކަމުންދާނެކަން ވަނީ ހާމަކޮށްފައެވެ.
މިދިޔަ އަހަރު ޕަބްލިކް ހެލްތް އިންގްލޭންޑުން ވަނީ 2020 ވަނަ އަހަރު ފުޑް އިންޑަސްޓްރީގައި ހަރަކާތްތެރިވާ ފަރާތްތަކަށް އެ ކުންފުނިތަކުން އުފައްދާ ބާވަތްތަކުގައި ހަކުރު ހުންނަ އިންސައްތަ މަދު ކުރުމަށް ޗެލެންޖް ކޮށްފައެވެ.
ކެޑްބަރީ ޗޮކްލެޓަކީ އާންމުންގެ މެދުގައި އަބަދުވެސް މަޝްހޫރު ބްރޭންޑަކަށްވެފައިވާއިރު އެ ކުންފުނިން އުފައްދާފައިވަނީ 1905 ވަނަ އަހަރުއެވެ.
