ގަވަރުނަރު ނަސީރު ސޮއެ ކުރައްވާފައިވާ ނޫޓުތައް ބާޒާރަށް ނެރެނީ

މިހާރުގެ ގަވަރުނަރު އަހުމަދު ނަސީރު ސޮއެ ކުރައްވާފައިވާ 10ރ އަދި 100ރ ގެ ނޫޓު ދައުރުކުރެވެމުންދާ ފައިސާއާއިއެކު ބޭނުންކުރުމަށް 3 ސެޕްޓެމްބަރުގައި ނެރޭނެކަމަށް މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފިއެވެ.

އެމްއެމްއޭ އިން އަންގާރަ ދުވަހު ކުރި އިއުލާނެއްގައި ބުނީ އަލުން ޗާޕުކުރަން ޖެހޭ ވަރަށް ސްޓޮކް ހުސްވުމުން، ޗާޕުކޮށްގެން ގެނެސް 5 ޖުލައިގައި ދައުލަތުގެ ޚަޒާނާގައި ރައްކާކޮށްފައިވާ 10ރ އަދި 100ރ ގެ ނޫޓުތައް ދައުރުކުރުމަށް ނެރުމަށް ހަމަޖެހިފައިވާކަމަށެވެ. ގަވަރުނަރު އަހުމަދު ނަސީރު ސޮއެކުރައްވާ ނެރުއްވާފައިވާ ނޫޓުތަކުގައި ޖަހާފައިވާ ތާރީޚަކީ 10 މާރޗް 2018 (22 ޖުމާދަލްއާޚިރާ 1439) އެވެ.

އަލަށް ނެރޭ ނޫޓުތަކާއިއެކު ކުރީގެ ގަވަރުނަރު އަޒީމާ އާދަމް ސޮއެކުރައްވާފައިވާ ނޫޓުތައްވެސް ދައުރު ކުރަމުންދާނެއެވެ.

މިނިވަން ފަންސާހާއި ދިމާކޮށް އަލަށް ނެރުނު ނޫޓު ސީރީޒްގައި ފުރަތަމަ ސޮއެ ކުރައްވާފައިވަނީ އޭރު ގަވަރުނަރަކަށް ހުންނެވި އަޒީމާއެވެ.