ލިސްޓީރިއާ މޮނޯސައިޓޮޖެންސް ޖަރާސީމުން ތަޣައްޔަރުވެފައިވާ ގަނޑުކުރި ތަރުކާރީ ޔޫރަޕުން ރާއްޖެއަށް އެތެރެވެފައިވާ ކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ ބުނެފިއެވެ.
ފުޑް އެންޑް ޑްރަގް އޮތޯރިޓީން ނެރެފައިވާ ބަޔާނެއްގައި ބުނެފައި ވަނީ ލިސްޓީރިއާ މޮނޯސައިޓޮޖެންސް ޖަރާސީމުން ތަޣައްޔަރުވެފައިވާ ގަނޑުކުރި ތަރުކާރީ ރާއްޖެއަށް އެތެރެވެފައިވާ ކަމުގެ މައުލޫމާތު ދުނިޔޭގެ ސިއްހަތު ޖަމިއްޔާގެ އިންޓަނޭޝަނަލް ފުޑް ސޭޕްޓީ އޮތޯރިޓީ ނެޓްވޯރކް އަދި ޔޫރަޕްގެ ރެޕިޑް އެލަރޓް ސިސްޓަމް ފޮރ ފުޑް އެންޑް ފީޑް އިން އެ އޮތޯރިޓީއަށް އަންގާފައިވާ ކަމަށެވެ.
މިކަމާ ގުޅިގެން މައްސަލަ ދިމާވެފައިވާ އުފެއްދުންތައް ބާޒާރުން ނެގުމުގެ މަސައްކަތް އެތޯރިޓީން ކުރަމުން އަންނަ ކަމަށް ވެސް ބަޔާނުގައި ވަނީ ބުނެފައެވެ.
ފުޑް އެންޑް ގްރަގް އޮތޯރިޓީން ބުނީ މިމައްސަލައާ ގުޅިގެން ބަޔާނާ އެކު ނެރެފައިވާ ލިސްޓުގައި ހިމެނޭ އުފެއްދުންތައް ރާއްޖެއަށް އެތެރެކޮށް ވިއްކުމަކީ މަނާ ކަމެއް ކަމަށާއި މި ތަކެތި ބޭނުން ނުކުރުމަށް ވެސް އިލްތިމާސްކޮށްފައެވެ. އަދި ތަޢައްޔަރުވެފައިވާ މިއުފެއްދުން ވިއްކަން ހުރިކަން ފާހަގަކުރެއްވިއްޖެ ނަމަ އެ އޮތޯރިޓީންގެނަންބަރު 3014361 ފޯނަށް ގުޅައި މައުލޫމާތު ހިއްސާކުރުމަށް ވެސް އެއޮރިޓީން ވަނީ ބުނެފައެވެ.
