ދުނިޔޭގެ އެންމެ ފުރަތަމަ ކުލަކޮށް ނެގި އެކްސްރޭ ނިއުޒިލެންޑުގައި ނަގައިފި
މި މެޝިން އީޖާދު ކުރުމަށް ގާތް ގަނޑަކަށް 10 ވަރަކަށް އަހަރު ހޭދަވިކަމަށް ވޭ
މީހެއްގެ އަތުގެ 3ޑީ އިމޭޖެއް
މިހާތަނަށް ދުނިޔޭގައި އެންމެ ފުރަތަމަ ކުލަކޮށް އަދި ތްރީޑީ ކޮށް ނެގި އެކްސްރޭ ނިއުޒިލޭންޑުގައި ނަގައިފިއެވެ.
ފިލް އާއި އެންތޮނީ ނަމަކަށް ކިޔާ ދެ ސައިންޓިސްޓުން ބައިވެރިވެގެން ކުރި މަސައްކަތުން އީޖާދުކޮށްފައިވާ ތްރީޑީ އެކްސްރޭ މެޝިނުން އަންނަ މަހު ނިއުޒިލެންޑްގައި ކަށީގެ އެކިބަލިތައް ހުންނަ މީހުން ޓެސްޓު ކުރެވޭނެއެވެ.
ފިލްއާއި އެންތޮނީ އަށް މި މެޝިން އީޖާދު ކުރުމަށް ގާތް ގަނޑަކަށް 10 ވަރަކަށް އަހަރު ހޭދަވިކަމަށް ވެއެވެ. އެދެމީހުންނަކީ ދެބަފައިންނެވެ.
އަލަށް އީޖާދު ކުރި މިމެޝިނުން ނަގާ އެކްސްރޭތަކުން ހަށިގަނޑުގެ ތެރޭގެ ކަށިތަކާއި އެހެނިހެން ޓިޝޫތައް މާ ރީތިކޮށް ފެންނާނެކަމަށް ސައިންޓިސްޓުން ވަނީ ބުނެފައެވެ. އަދި މީގެ އިތުރުން ހަށިގަނޑުގައި އުފެދޭ ޓިއުމަރ ތަކުގެ ސައިޒާއި އެ ހުންނަ ތަން ވަރަށް ރީތިކޮށް ފެންނާނެކަމަށް ވަނީ ބުނެފައެވެ.
