ދަތުރު ކުރަމުންދަނިކޮށް ޔުނައިޓެޑް އެއާލައިންސްގެ ފްލައިޓެއްގެ ސީލިން ޕެނަލެއް ވެއްޓިއްޖެ
7 ޖުލައި 2018 | ހޮނިހިރު 02:22އެއްވެސް މީހަކަށް ގެއްލުމެއް ލިބިފައެއް ނުވޭ
ޔުނައިޓެޑް އެއާލައިންސް ފްލައިޓުގެ ސީލިން ޕެނަލް ނެއްޓިފައި
ދަތުރު ކުރަމުން ދަނިކޮށް ޔުނައިޓެޑް އެއާލައިންސްގެ ފްލައިޓެއްގެ ސީލިން ޕެނަލެއް ވެއްޓިއްޖެއެވެ.
އެ އެއާލައިނުން ދަތުރު ކުރި ފަސިންޖަރަކާއި ހަވާލާދީ ފޮކްސް5 އިން ރިޕޯޓްކޮށްފައިވަނީ އެ ފްލައިޓުގެ ސީލިން ޕެނަލް ވެއްޓުނީ ފްލައިޓް ޖެއްސި ވަގުތުކަމަށެވެ. ސީލިން ޕެނަލް ވެއްޓުނީ ބޯޓު ޖެއްސި ވަގުތުގައި ކަމަށާއި ސީލިން ޕެނަލް ވެއްޓުނީ ފްލައިޓުން ދަތުރު ކުރި ޕަސިންޖަރުންގެ ގައި މައްޗަށް ކަމަށް އެނޫހުން ވަނީ ރިޕޯޓު ކޮށްފައެވެ.
އެ ފްލައިޓަކީ މިދިޔަ ބުދަ ދުވަހު ނެދަލޭންޑްސްގެ އެމްސްޓަޑަމް އިން އެމެރިކާގެ ވޮޝިންޓަނަށް ދަތުރު ކުރި ފްލައިޓެކެވެ. މިހާދިސާގައި އެއްވެސް މީހަކަށް ގެއްލުން ވެފައިނުވާކަމަށް ވެއެވެ.
މިހާދިސާއާއި ގުޅިގެން އެ އެއާލައިނުން ނެރެފައިވާ ނޫސްބަޔާނެއްގައި ވަނީ ބޯޓުން ދަތުރުކުރި ޕަސިންޖަރުންގެ ކިބައިން މާފަށް އެދިފައެވެ. މިހާރު އެ ސީލިން ޕެނަލް އަލުން ހަދާފައިވާކަމަށްވެސް އެއާލައިނުން ވަނީ ބުނެފައެވެ.
