ވޯޓުލާ މަރުކަޒުގައި މަސައްކަތް ކުރާނެ އޮފިޝަލުން ހޯދަނީ
28 ޖޫން 2018 | ބުރާސްފަތި 20:44ކޮންމެ ވޯޓު ފޮށްޓެއްގައި މަދުވެގެން ފަސް އޮފިޝަލުން ބަހައްޓަން ވަނީ ނިންމާފަ
ލޯކަލް ކައުންސިލް އިންތިހާބުގައި ވޯޓުލާ މަރުކަޒުގައި އޮފިޝަލުން ހަރަކާތްތެރި ވަނީ
ރިޔާސީ އިންތިޚާބުގައި ވޯޓުލާ މަރުކަޒުތަކުގައި ހަރަކާތްތެރިވާނެ އޮފިޝަލުން ހޯދުމަށް އިލެކްޝަން ކޮމިޝަނުން އިޢުލާންކޮށްފިއެވެ.
އިލެކްޝަން ކޮމިޝަނުން ބުރާސްފަތި ދުވަހު ކުރި އިއުލާންގައި ބުނެފައި ވަނީ ވޯޓުލާ މަރުކަޒުގައި މަސައްކަތް ކުރަން ޝައުގުވެރިވާ މީހުން އޮފިޝަލުންނަން ޚާއްޞަ ކުރެވިފައިވާ ފޯމު ފުރިހަމަކުރުމަށްފަހު އެ ފޯމާއެކު ހުށަހަޅަންޖެހޭ ލިޔެކިޔުންތަކާއެކު، 2018 ޖުލައި 19 ވާ ބުރާސްފަތި ދުވަހުގެ 15:00 ގެ ކުރިން، މާލޭގައި ނަމަ އިލެކްޝަންސް ކޮމިޝަނުގެ ރިސެޕްޝަނަށް ނުވަތަ ރަށު/އަތޮޅު/ ސިޓީ ކައުންސިލްގެ އިދާރާއަށް ހުށަހެޅުން އެދޭކަމަށެވެ. ނުވަތަ އީމެއިލް ކުރައްވާނަމަ info@elections.gov.mv އަށް ފޮނުވޭނެ ކަމަށް ވެސް އެ އިއުލާންގައި ބުނެފައެވެ.
އޮފިޝަލަކަށްވުމަށް އެދި ހުށަހަޅާ ފޯމު، ރަށު/އަތޮޅު/ސިޓީ ކައުންސިލް އިދާރާއިންނާއި، އިލެކްޝަންސް ކޮމިޝަނުގެ ވެބްސައިޓް www.election.gov.mv އިން ލިބެންހުންނާނެއެވެ.
ރިޔާސީ އިންތިހާބުގައި ހަތަރުސަތޭކަ ވޯޓު ފޮށިކައިރީގައި ތިބޭ އޮފިޝަލުން ނަގަން ވަނީ ހަމަޖެހިފައެވެ. އެއީ ކޮންމެ ވޯޓު ފޮށްޓެއްގައި މަދުވެގެން ފަސް އޮފިޝަލުންނެވެ.
