ޑާކްރެއިން އިން ނޮވެމްބަރުގެ މަސައްކަތް ފަށައިފި
23 ޖޫން 2018 | ހޮނިހިރު 11:46ފިލްމްގެ ސްކްރީން ޕްލޭ ދަނީ ލިޔަމުން
ނޮވެމްބަރގެ ޕޯސްޓަރު
ޑާކްރެއިން އެންޓަޓެއިންމަންޓުން "ނޮވެމްބަރު" ގެ ނަމުގައި އައު ފިލްމެއް ހަދަން ނިންމައިފިއެވެ.
ރާއްޖެ އެމްވީއަށް މައުލޫމާތު ދެމުން ފިލްމް ގެ ޕްރޮޑިއުސަރު މުހައްމަދު އަލީ (މޮގާ) ބުނީ މި ފިލްމްގެ ޝޫޓިން ފެށުމަށް ހަމަޖެހިފައި ވަނީ އެ ސްޓޫޑިއޯ އިން ޝޫޓިން ފަށާފައިވާ ކޮމެޑީ ފިލްމް "މާމުއި" ގެ މަސައްކަތް ނިންމުމަށް ފަހު ކަމަށެވެ.
ލޯބީގެ ވާހަކައެއްގެ މައްޗަށް ތައްޔާރު ކުރާ މި ފިލްމްގެ ސްކްރީންޕްލޭ ލިޔަމުން ދަނީ 8 ވަނަ ދިވެހި ފިލްމް އެވޯޑްސްގައި ފިލްމް "ހުޅުދާން" އިން އެންމެ މޮޅު ސްކްރީންޕްލޭގެ އެވޯޑް ހާސިލް ކޮށްފައިވާ އަދި މޮގާގެ އަންހެނުން އައިޝަތު ފުއާދު ތައުފީގާއި މަރިޔަމް ނަދްރަތުއެވެ.
މި ފިލްމްގެ މަންޒަރުތައް ނެގުމަށް ހަމަޖެހިފައި ވަނީ މާލޭ އާއި ސިންގަޕޫރުގައި ކަމަށް "ވަކިން ލޯބިން" ގެ ވެސް ޑައިރެކްޓަރ މޮގާ ބުންޏެވެ.
އޮރިޖިނަލް ސްކްރީންޕްލޭއަކަށް ހަދާ މި ފިލްމުގެ ކާސްޓުން އަދި ފައިނަލެއް ނުކުރެއެވެ.
އަލީ ޝިފާއު ޑައިރެކްޓްކުރާ މިފިލްމް ރިލީޒް ކުރުމަށް ތާވަލްކޮށްފައި ވަނީ އަންނަ އަހުގެ އެޕްރީލް މަހުގެ 5 ވަނަ ދުވަހުއެވެ.
"ނޮވެމްބަރު" މިފިލްމް ވެގެން ދާނީ ސިންގަޕޫރްގައި ޝޫޓްކުރާ ދެވަނަ ދިވެހި ފިލްމަށެވެ. އަދި މި ފިލްމް ވެގެން ދާނީ ޑާކް ރެއިން އެންޓަޓެއިންމަންޓްގެ ފިލްމެއް ރާއްޖޭން ބޭރުގައި ޝޫޓްކުރާ ފުރަތަމަ ފިލްމަށެވެ.
