ސަރުކާރުން އެލްޖީއޭ ބޭނުންކުރަނީ ހަތިޔާރެއްގެ ގޮތުގައި: ފައްޔާޒު
11 ޖޫން 2018 | ހޯމަ 05:51ލިބޭ ގެއްލުމުގެ ބަދަލު ފަރުދީ ގޮތުން ނަންގަވަންޖެހޭ
ގަމު ދާއިރާގެ ރައްޔިތުންގެ މަޖިލީހުގެ މެމްބަރު ފައްޔާޒު އިސްމާއިލް
ރައީސް އަބްދުﷲ ޔާމީންގެ ސަރުކާރުން ލޯކަލް ގަވަރމެންޓް އޮތޯރިޓީ (އެލްޖީއޭ) ބޭނުންކުރަނީ އަނިޔާވެރިކަމުގެ ހަތިޔާރެއްގެ ގޮތުގައި ކަމަށް ގަމު ދާއިރާގެ ރައްޔިތުންގެ މަޖިލީހުގެ މެމްބަރު ފައްޔާޒު އިސްމާއިލް ވިދާޅުވިއެވެ.
ހޯމަ ދުވަހު ފައްޔާޒު ކުރެއްވި ޓްވީޓެއްގައި ވިދާޅުވީ އެލްޖީއޭ އިން އަމަލުކުރަމުންދާ ގޮތުން، ރަށްތަކުގެ ކައުންސިލަރުންނާއި ރަށްތަކަށް ގެއްލުން ލިބޭ ކަމަށެވެ. ސަރުކާރުގެ އަނިޔާވެރި ހަތިޔާރެއްގެ ގޮތުގައި އެލްޖީއޭ ބޭނުންކުރާ މައްސަލާގައި ކައުންސިލަރުންނާއި ރަށްތަކަށް ލިބޭ ގެއްލުމުގު ބަދަލު އެލްޖީއޭގެ ބޯޑު މެންބަރުންނާއި، ސީނިއަރު ސްޓާފުން ފަރުދީ ގޮތުން ޒިންމާ ނަގުވަން ޖެހޭ ކަމަށް ފައްޔާޒު ވިދާޅުވިއެވެ.
ފައްޔާޒު މިހެން ވިދާޅުވިއިރު، މިދިޔަ މަހުގެ 30 ގައި ބޭއްވި އެމްޑީޕީގެ ޕްރައިމަރީގައި އިސްކޮށް އުޅުނު އއ. އުކުޅަހުގެ ދެ ކައުންސިލަރެއްގެ މައްސަލަ އެލްޖީއޭ އިން ވަނީ ބަލަން ފަށައިފިއެވެ. މި މައްސަލަ ކުއްލި ގޮތަކަށް ބަލަން ފެށީ، އެމްޑީޕީގެ ކޮންގްރެސް މި މަހުގެ 29 އަދި 30 ގައި އއ. އުކުޅަހުގައި ބާއްވާ ނިންމުމާ އެކުގައެވެ.
